आदर्श स्कुल अफ मेनेजमेन्ट बिर्तामोडको आयोजना, बिर्तामोड नगरपालिका वडा नं.३ को समन्वय तथा सुरुवाती कोठा नेपाल झापाको संयोजनमा १५ दिने नि:शुल्क बारिस्टा तथा सुसि तालिम सुरु भएको छ ।
वडाका युवाहरुलाई व्यवहारिक तथा व्यवसायिक सिप दिने उद्देश्यले तालिम सुरु गरिएको आयोजक संस्थाका डाइरेक्टर सन्जोक खरेलले जानकारी दिए ।
सीप सिक्न बीस हजारसम्म पर्ने भएता पनि वडाका युवालाई प्रोत्साहन स्वरुपका साथै स्कुलको सामाजिक उत्तरदायित्वलाई बहन गर्न कार्यक्रम गरिएको डाइरेक्टर खरेलले बताए ।
तालिममा बिर्तामोड नगरपालिका वडा नं.३ का तीस जना युवाको प्रत्यक्ष सहभागीता रहेको छ ।
उक्त तालिमको उद्घाटन समारोहमा वडा नं.३ का जनप्रतिनिधि लक्ष्मी रोक्काले युवाले यसरी नि:शुल्क पाएको तालिमलाई पुर्णरुपमा सिकाईमा उत्तार्न आग्रह गरेकी छन् ।
सेफ मनिष अर्याल उपाध्यय र सुमन मगरले तालिमको सहजीकरण गर्ने आउटरिच कोर्डिनेटर दीपक दासले बताए ।
