नेपाल राष्ट्रिय शिक्षक संङ्गठन कमल गाउँ समितिको अध्यक्षमा निर्मल गड्तौलासहित ११ सदस्य गाउँ समिति सर्वसम्मत चयन भएका छन् ।
कमल गाउँपालिका-५ स्थित मंगलमय माध्यमिक विद्यालयको सभाहलमा सम्पन्न तेस्रो गाउँ अधिवेशनबाट आगामी तीन वर्षे कार्यकालका लागि समितिको उपाध्यक्षमा टेकध्वज योङहाङ, महिला उपाध्यक्षमा लक्ष्मी ढकाल, सचिवमा टीकादत्त गौतम, सहसचिवमा गंगाराम मिश्र, कोषाध्यक्षमा दुर्गाप्रसाद पराजुली र सहकोषाध्यक्षमा दुर्गा बगाले चयन भएको निर्वाचन समितिका संयोजक रुकमान सुब्बाले बताए ।
त्यसैगरी समितिको सदस्यमा दुर्गा प्रसाद भण्डारी, अम्बिका कार्की, अञ्जला संयोक, लक्ष्मण रेग्मी, तीर्थकुमार ताजपुरिया, सरोज श्रेष्ठ, मदन अधिकारी, ईन्दिरा खनाल दाहाल, फणिन्द्रकुमारी अधिकारी, सृजना राजवंशी विमला रिमाल न्यौपाने चयन भएको निर्वाचन समितिका संयोजक सुब्बाले जानकारी दिए ।
संङ्गठनका कमल गाउँ समितिका अध्यक्ष मधुसुदन अधिकारीको अध्यक्षतामा सम्पन्न कार्यक्रममा प्रमुख अतिथि सङ्गठनका जिल्ला समिति अध्यक्ष दोण श्रेष्ठ, शिक्षक महासंघ कमलका अध्यक्ष मोहन बगाले, नेपाल राष्ट्रिय शिक्षक संङ्गठन जिल्ला समिति सदस्य हिमप्रसाद दाहाल लगायतले नवनिवनिर्वाचित समितिलाई बधाई तथा सफल कार्यकालको शुभकामना दिएका थिए ।
उपाध्यक्ष भीम पेख्रेलले शाब्दिक शब्दद्वारा स्वागत गरेका थिए भने कार्यक्रमको सञ्चालन सङ्गठनका सचिव श्रीप्रसाद दाहालले गरेका थिए ।
