जन्मदिनमा विद्यार्थीलाई शैक्षिक तथा खेलकुद सामग्री

संवाददाता/ सोमबार, पुष ०८, २०८१

झापाको हल्दिवारीस्थित पञ्चायत माध्यमिक विद्यालयका शिक्षक अभिषेक खतिवडाले आफ्नो जन्मदिनमा शैक्षिक तथा खेलकुद सामग्री वितरण गरेका छन् ।

उनले आफू कार्यरत विद्यालयका बाल कक्षादेखि कक्षा ५ सम्मका विद्यार्थीलाई शैक्षिक सामग्री वितरण गरेका हुन् । विद्यालयमा शैक्षिक सामग्री नलिई आउने विद्यार्थीका लागि शैक्षिक सामग्री हस्तान्तरण गरेका छन् ।

विद्यालयका विद्यार्थीहरुको शारीरिक विकासको लागि खेलकुद सामग्री वितरण गरेको शिक्षक खतिवडाले बताए ।

शैक्षिक सामग्री प्रदान गर्ने कार्यक्रममा विद्यालयका प्रधानाध्यापक कृष्णप्रसाद बनले विद्यालय र विद्यार्थीका लागि सोचेर सामाजिक कार्य गरेकोमा खतिवडालाई धन्यवादसहित जन्मदिनको शुभकामना दिएका थिए ।