निजी तथा आवासीय विद्यालय संगठन (प्याब्सन) बिर्तामोड नगर कमिटीले सांस्कृतिक कार्यक्रम गरेको छ ।
प्याब्सन बिर्तामोड अध्यक्ष सुरेन्द्र खरेलको अध्यक्षतामा भएको कार्यक्रमको प्रमुख अतिथि बिर्तामोड नगरपालिकाका उपप्रमुख नगेन्द्रप्रसाद संग्रौला रहेका थिए ।
उक्त अवसरमा २२ वटा विद्यालयका विद्यार्थीहरुले नृत्य र गीत प्रस्तुत गरेका थिए । प्याब्सन बिर्तामोडमा ४३ वटा विद्यालयहरु आबद्ध रहेका छन् । शनिबारबाट सुरु भएको कार्यक्रम आइतबार सम्पन्न हुने अध्यक्ष खरेलले बताए ।
सोही अवसरमा बिर्तामोड नगर शिक्षा अधिकृत लासाङ तामाङलाई स्वागत गर्नुका साथै बिर्तामोड नगर शिक्षा अधिकृत दिनेश आचार्यलाई बिदाई गरिएको थियो ।
उक्त अवसरमा कार्यक्रमका प्रमुख अतिथि बिर्तामोड नगरपालिकाका उपमेयर संग्रौला, बिर्तामोड नगर शिक्षा शाखा प्रमुख तिलचन भण्डारी लगायतले आ-आफना धारणा राखेका थिए ।
सो कार्यक्रमको सञ्चालन सचिव दीपाङ्कर मैनालीले गरेका थिए ।
