क्यान्सरपिडीत शिक्षक ज्ञानु बुढाथोकीको पहिलो कृति याङरुप शुक्रबार लोकार्पण हुने भएको छ ।
देवी माध्यमिक विद्यालयका शिक्षक समेत रहेका आख्यानकार बुढाथोकी क्यान्सर रोगसँग संघर्ष गरिरहेका छन् ।
क्यान्सर रोगको उपचारपछि रोगलाई जित्न लागेका उनले क्यान्सर भएको समयमा लेखेको उपन्यास एक कार्यक्रमका बीच भोलि साहित्यकार कृष्ण धरावासीले बिमोचन गर्ने जनाइएको छ ।
झापाली साहित्य समाजको मुख्य आयोजक तथा सप्तक संगीत विद्यालयको बिशेष सहयोगमा कार्यक्रम हुने जनाईएको छ ।
उक्त कार्यकमलाई सफल बनाउन शिक्षक महासंघ बिर्तामोड नगर कमिटी अध्यक्ष युवराज कट्टेल, सचिव उमानाथ भण्डारी, लेखक तथा साहित्यकार केशव आचार्य, झापाली साहित्य समाजका अध्यक्ष हरि बराल, सप्तक संगीत विद्यालयका संरक्षक डा.कुमार सुवेदी लगायतले कार्यक्रम सम्पन्न गर्न सबैलाई आह्वान गरेका छन् ।
उक्त बिमोचन कार्यक्रम कार्तिक २३ गते दिनको १२:१२ बजेदेखि सिटी सेन्टर साई पार्टी प्यालेसको सभाकक्ष बिर्तामोडमा हुने झापाली साहित्य समाजका अध्यक्ष बरालले जानकारी दिए ।
