असोज ११ र १२ गते आएको बाढी र पहिरोले पाँचथर जिल्लाका २१ वटा विद्यालयमा क्षति पुगेकोे छ ।
२१ मध्ये ८ वटा विद्यालय उच्च जोखिममा रहनुका साथै पठनपाठन गर्न नसक्ने अवस्थामा रहेको शिक्षा विकास तथा समन्वय इकाइ पाँचथरका प्रमुख युगमणी सवेहाङले बताए । सवेहाङका अनुसार सबैभन्दा धेरै क्षति तुम्बेवा गाउँपालिकाका विद्यालयहरुमा पुगेको छ ।
शिक्षा विकास तथा समन्वय इकाइको तथ्याङ्क अनुसार कुम्मायकको सिंहबाहिनी आधारभूत विद्यालय, फिदिम-९ को लुम्फावुङ आधारभूत विद्यालय, फिदिम-७ को कालिका आधारभूत विद्यालय, फालेलुङ-३ को सिंहकालि आधारभूत विद्यालय, तुम्वेवा-४ को सुनगाभा आधारभूत विद्यालय, तुम्वेवा-१ को सिंहवाहिनी आधारभूत विद्यालय, कुम्मायक-१ को खाल्डे आधारभूत विद्यालय, फाल्गुनन्द-४ को पैयाबोटे आधारभूत विद्यालय, फिदिम-१२ को युवराज आधारभूत विद्यालय, फिदिम-६ को काफलबोटे आधारभूत विद्यालय, फालेलुङ-२ को मोतिराम माध्यमिक विद्यालयमा क्षति पुगेको हो ।
त्यस्तै फालेलुङ-५ को सिंहबाहिनी आधारभूत विद्यालय, फालेलुङ-६ को दिपज्योती आधारभूत विद्यालय, फालेलुङ-४ को बाह्रविसे आधारभूत विद्यालय, फालेलुङ-४ कै मेमेङ मावि, तुम्वेवा-३ को इन्द्रायणी माध्यमिक विद्यालय, तुम्वेवा-२ को त्रिवेणी आधारभूत विद्यालय, तुम्वेवा-४ को धुवाखोला आधारभूत विद्यालय, तुम्वेवा-१ को सरस्वती माध्यमिक विद्यालय, तुम्वेवा-३ को पञ्चमी आधारभूत विद्यालय र तुम्वेवा-४ को अग्निका सिं आधारभूत विद्यालयमा बाढी पहिरोले क्षति पु¥याएको छ । क्षतिग्रस्तमध्ये आठवटा विद्यालय भवन निर्माण नभएसम्म पठनपाठन गर्न सकिने अवस्था नभएको शिक्षा तथा समन्वय इकाइ पाँचथरले जनाएको छ ।
