`गरे सम्भव छ´ भन्ने मुल नाराका साथ मेचीनगरका युवाहरुले थालनी गरेको अभियानले सार्थकता पाएको छ ।
झापाको मेचीनगरमा एसईईको पूरक परीक्षा दिने विद्यार्थीलाई लक्षित गरेर सञ्चालन गरिएको अतिरिक्त कक्षामा सहभागी विद्यार्थीले उत्कृष्ट जिपीए ल्याएर उत्तीर्ण भएसँगै अभियानले सार्थकता पाएको हो ।
उक्त अतिरिक्त कक्षामा सहभागी ९५% विद्यार्थी पूरक परीक्षामा उत्तीर्ण भएका सामाजिक युवा अभियन्ता रोमन विक्रम कार्कीले जानकारी दिए ।
सामाजिक युवा अभियन्ता कार्कीको परिकल्पनामा मेचीनगर नगरपालिका वडा नं.१,२,३,४ साविकको बाहुण्डाँगीका सरकारी र संस्थागत विद्यालयका विद्यार्थीलाई लक्षित गरेर नि:शुल्क कक्षा सञ्चालन गरिएको थियो ।
उक्त अतिरिक्त कक्षामा विशेष गरि विज्ञान र गणित विषयलाई प्राथमिकतामा राखेर असार १९ गतेदेखि परिक्षाको दिनसम्म अध्यापन गराइएको थियो ।
मेचीनगर-२ स्थित ओसिनिक निर्माणा बोर्डिङ्ग स्कुल, मेचीनगर-२ स्थित भानु माध्यमिक विद्यालय, मेचीनगर-३ स्थित मेची जनसाधारण विद्यालय र मेचीनगर-४ स्थित सरस्वति माध्यमिक विद्यालयमा कक्षाहरु सञ्चालन गरिएको थियो ।
सहजकर्ता-शिक्षकहरुमा रोमन बिक्रम कार्की (विज्ञान/गणित, अभिष्कार नेपाल (गणित), आशिष शिवा (अर्थशास्त्र/लेखा), युवराज सिग्देल (गणित), बिबेक गौतम (गणित) र थेसिस रुचाल (सामाजिक) रहेका थिए ।
