झापाको बिर्तामोडमा अवस्थित न्युट्न्स एजुकेशन एकाडेमी द बेष्ट टुरिजम क्लब अवार्ड २०२४ बाट सम्मानित हुने भएको छ ।
टुरिजम रिसर्च एण्ड ट्रेनिग इन्स्टिच्यूटले हरेक वर्ष आयोजना गर्ने नेशनल टुरिजम कन्फरेन्समा देशभर गठित National Sustainable Tourism Club (NSTC) हरुमध्येबाट वार्षिक क्यालेन्डर अनुसार न्युट्न्स सम्मानित हुने भएको न्युटन्स एजुकेसन एकाडेमीका प्रिन्सिपल देवेन्द्र हुमागाईंले बताए ।
इन्स्टिच्यूटले विविध कार्यक्रमहरु गर्दै सक्रिय रहेका क्लब मध्येबाट न्युट्न्स छनोट भएको हो ।
क्लबले वातावरण, पर्यटन, सरसफाई, शैक्षिक गतिविधि लगायतका क्षेत्रहरुमा काम गर्दै आएको क्लबका संयोजक पवित्रा पौडेलले बताएकी छन् ।
त्यस्तै भरतपुरमा रहेको मदरलेन्ड सेकेन्डरी स्कुल पनि द मोष्ट एक्टिभ क्लव अफ द इएर २०२४ बाट पुरस्कृत हुने छ ।
त्यसैगरी बेष्ट इनभाइरोमेन्टल प्रोग्राम अफ द इयर सम्मानका लागि ज्ञानज्योती माध्यमिक विद्यालय तुलसीपुर, दाडे छनोट भएको टुरिजम रिसर्च एण्ड ट्रेनिग इन्स्टिच्यूट प्रा.लिका अध्यक्ष मदनकुमार बरालले पत्राचार मार्फत जानकारी गराएका हुन् ।
स्थानीय क्षेत्रमा पर्यटकिय सम्भावना भएका ठाउँको पहिचान गरी तिनलाई राष्ट्रिय तथा अन्तर्राष्ट्रिय स्तरमा पर्यापर्यटन लाई प्रबर्द्धन गर्दै बिकासको क्रममा जोड्न मद्दत पुग्ने भएकाले क्लबका बालबालिका लाई पर्यटनको बिषयमा बुझाउन क्लब सक्रिय रूपमा लागि परेको छ ।
देश भरका १ सय ३० वटा क्लब मध्ये उत्कृष्ट कार्य सम्पादन गर्दै वेस्ट टुरिजम क्लब अफ द हियर २०२४ छनौट हुन सफल भएको हो ।
