पछिल्लो समय संगीत क्षेत्रमा विभिन्न किसिमका उत्तरचडाव आइरहेका छन् । बजारमा आएका केही गीतले दर्शक खुसी छन् भने केही गीतले निराश पनि छन् ।
यसैबीच गत आइतबार सार्वजनिक भएको `ज्वाईं साहेब´ नामको तीज गीतले भने धेरै दर्शकको मन जित्न सफल भएको छ ।
तिलक बस्नेतको शब्द र लय तथा सुनिता बुद्ध क्षेत्रीको आवाजमा बनेको म्युजिक भिडियोलाई २ लाख १९ हजार भन्दा बढी दर्शकले हेरिसकेका छन् ।
रोश्नी कार्की, बिराज बास्कोटा, रश्मि भट्ट, कृष्ण बस्नेत, एलिना थपलिया र रिमा सापकोटाको अभिनय रहेको म्युजिक भिडियो तिलक बस्नेत अफिसियल युटुब च्यानलबाट सार्वजनिक गरिएको छ ।
विशाल घिमिरेले निर्देशन गरेको म्युजिक भिडियोमा एउटी नारीले विवाहपछि श्रीमान्, सासु र नन्दले दिएको पिडालाई भुलेर संघर्ष गरेको कथालाई प्रस्तुत गरिएको छ ।
त्यस्तै ज्वाईंले बहिनीलाई गरेको व्यवहार सहन नसकेर होटलमा रमाइलो गरिरहेका ज्वाईंलाई गाली गरेपछि सार्वजनिक ठाउँमा तेरो दाइले गरेको व्यवहारले मेरो इज्जत गयो भनेर पिटदा श्रीमतीको मस्तिष्कमा गहिरो चोट पुगेर डिप्रेसनमा पुगेको कथालाई भिडियोमा देखाइएको छ ।
रमेश सेन्चुरीले संगित संयोजन गरेको भिडियोलाई नरेन्द्र बियोगीले मिक्सिङ र मास्टिरङ गरेका हुन् ।
