झापा / झापाको बिर्तामोडमा भोलि शुक्रबार युनिभर्सिटी एड्मिसन नेटवर्क द्वारा विशेष शैक्षिक मेला आयोजना हुने भएको छ। मेला यूके जान इच्छुक विद्यार्थीहरूका लागि अत्यन्तै उपयोगी हुने आयोजकले जनाएको छ ।
बेलायतका प्रमुख विश्वविद्यालयहरूको प्रतिनिधिहरू सहभागी हुने बताईएको छ । प्रतिनिधिहरूले विद्यार्थीहरूलाई आफ्नो विश्वविद्यालयको शैक्षिक कार्यक्रम, छात्रवृत्ति अवसरहरू र प्रवेश प्रक्रियाको बारेमा विस्तृत जानकारी दिनेछन् । मेलाको आयोजना बिर्तामोड-भद्रपुर रोडस्थित नबिल बैंकको माथिल्लो तलामा रहेको भट्टराई कम्प्लेक्समा गरिनेछ।
मेलामा भाग लिन इच्छुक विद्यार्थीहरू र अभिभावकहरूका लागि प्रवेश निशुल्क गरिएको बताईएको छ । मेलामा विभिन्न प्रकारका कार्यशाला, सेमिनार, र परामर्श सत्रहरू पनि आयोजना गरिनेछ जसले विद्यार्थीहरूलाई सही शैक्षिक मार्गदर्शन प्राप्त गर्न मद्दत पुर्याउनेछ।
युएएनका व्यवसाय विकास प्रबन्धक प्रदीप लुइँटेलले मेलाको तयारी पूरा भएको र विद्यार्थीहरूलाई यो अवसरको सदुपयोग गर्न विद्यार्थी अभिभावक लाई आग्रह गरेका छन् उनले विद्यार्थीलाई बिदेश जान आवश्य परामर्श प्रदान गर्नुका साथै अन्य बिषयमा बिद्यार्थी लाई सहजीकरण गरिने लुइँटेलले बताए /
