झापाको मेचीनगरमा एसईईको पूरक परीक्षा दिने विद्यार्थीलाई लक्षित गरेर अतिरिक्त कक्षा सुरु भएको छ ।
सामाजिक युवा अभियन्ता रोमन विक्रम कार्कीको परिकल्पनामा युवा शिक्षकहरुले ‘गरे सम्भब छ’ भन्ने मुल नाराका साथ मेचीनगर नगरपालिका वडा नं.१,२,३,४ साविकको बाहुण्डागीका सरकारी र संस्थागत विद्यालयका विद्यार्थीलाई लक्षित गरेर नि:शुल्क कक्षा सञ्चालन गरिएको हो ।
अभियन्ता कार्कीका अनुसार विशेष गरि विज्ञान र गणित विषयलाई प्राथमिकतामा राखेर कक्षा अध्यापन गराइने छ । कक्षा असार १९ गतेदेखि परिक्षाको दिन सम्म हुनेछ भने कक्षा विहान ७:०० बजे देखि ८:३० सम्म सञ्चालन हुने छ ।
परिक्षा केन्द्रित भई पढाउने, नोट उपलब्ध गराउने, प्रत्येक शनिबार परीक्षा र विद्यार्थीको सहजता अनुसार अङ्ग्रेजी र नेपाली दुबै माध्यमबाट अध्यापन गराइने अभियन्ता कार्कीले जानकारी दिए ।
उनका अनुसार मेचीनगर-१ स्थित युनाईटेड बोर्डिङ्ग स्कुल, मेचीनगर-२ स्थित भानु माध्यमिक विद्यालय, मेचीनगर-३ स्थित मेची जनसाधारण विद्यालय र मेचीनगर-४ स्थित सरस्वति माध्यमिक विद्यालयमा कक्षाहरु सञ्चालन हुनेछ ।
सहजकर्ता/शिक्षकहरुमा रोमन बिक्रम कार्की (विज्ञान/गणित), विष्णु अधिकारी (विज्ञान), बिदात गिरी (अङग्रेजी), अभिष्कार नेपाल (गणित), आशिष शिवा (अर्थशास्त्र/लेखा), युवराज सिग्देल (गणित), बिबेक गौतम (गणित), थेसिस रुचाल (सामाजिक) र प्रबिन चापागाई (विज्ञान) रहेका छन् ।
