झापा । कोभिड १९ पछि नेपालको पर्यटन व्यावसायलाई नराम्रो असर पारेको संस्कृति पर्यटन तथा नागरिक उड्डयन मन्त्रि योगेश भट्टराईले बताउनु भएको छ ।
नेपाल पर्यटन तथा होटल व्यावस्थापन प्रतिष्ठान शाखा कार्यलय झापाको आज उद्घाटन गर्नुहुदै मन्त्रि भट्टराईले नेपालको पर्यटन व्यावसाय विदेशी मुद्रा आर्जन गर्ने महत्वपूर्ण स्रोत भएकाले यस क्षेत्रमा दक्ष जनशक्ति उत्पादन गरेर गुणात्मक सेवा दिन सक्नु पर्ने आजको आवश्यक्ता भएको प्रष्ट पार्नु भयो ।
यस क्षेत्रमा सरकार र निजी क्षेत्रको ठूलो लगानी भएकैले ७० प्रतिशत विदेशी मुद्रा आर्जन गर्न सफल भएको बताउदै मन्त्रि भट्टराईले सरकार यस क्षेत्रमा काम गर्ने दक्ष जनशक्ति उत्पादन गर्नको लागि पर्यटन तथा होटल व्यावस्थापन प्रतिष्ठानको शाखा राजधानी बाहिर स्थापना गरिएको बताउनु भयो ।
वार्षिक ८० अर्व विदेशी रुपैया यसै क्षेत्रबाट भित्रने उल्लेख गर्दै मन्त्रि भट्टराईले कोभिड १९ पछि यस क्षेत्रमा लगानी गर्दा नागरिकलाई तत्काल आर्थिकरुपले राहात हुने पनि उहाँले बताउनु भयो ।
यहाँ व्याचलर अफ होटल म्यानेजमेन्टको ८० सिट र ट्राभल एण्ड टुर म्यानेजमेन्टको ४० जनाले अध्ययन गर्न सक्नेछन् । महोत्तरीको वर्दिवास, नेपालगञ्ज यस अघि नै शाखा स्थापना भईसकेका छन् ।
