झापाको बिर्तामोड नगरपालिका वडा नं.१० मा अवस्थित लक्ष्मीनारायण आधारभूत विद्यालयको व्यवस्थापन समितिको अध्यक्षमा तोमप्रसाद ओली चयन भएका छन् ।
बुधबार बसेको अभिभावक भेलाले पुन: ओलीलाई सर्वसम्मत अध्यक्षमा चयन गरेको हो ।
त्यस्तै सदस्यहरुमा रेणुका पाण्डे, पुण्यप्रसाद सुवेदी, अम्बिका नेपाली, कृष्णकुमारी डाँगी, तिला बस्नेत चयन भएका विद्यालयका प्रधानाध्यापक जनकबहादुर थापाले जानकारी दिए ।
त्यसैगरी वडा प्रतिनिधिमा धनमाया श्रेष्ठ, शिक्षक प्रतिनिधिमा कविता खतिवडा र सदस्य सचिवमा जनकबहादुर थापा सर्वसम्मत चयन भएका हुन् ।
त्यस्तै शिक्षक अभिभावक संघको अध्यक्षमा खडानन्द आचार्य चयन भएका छन् भने सदस्यहरुमा कल्पना रसाइली, विष्णुमाया पुर्कुटी, मेनुका मिजार, चेतन शिवाकोटी, सुस्मिता किस्कु, कविता लोहार, देविमाया बास्कोटा, शोभा भट्टराई, धनमाया न्यौपाने र जनकबहादुर थापा चयन भएका छन् ।
त्यसैगरी कृष्णप्रसाद विमलीको नेतृत्वमा ११ सदस्य सल्लाहकार समिति चयन गरिएको छ ।
त्यस्तै सदस्यहरुमा तुलसीप्रसाद सुवेदी, नविन विमली, छविराम आचार्य, लक्ष्मीप्रसाद शिवाकोटी, प्रेमबहादुर ढुंगाना, शम्भुप्रसाद घिमिरे, गंगाप्रसाद बजगाईं, सरोज ओली, विशाल राई र ओमकुमारी दर्जी सर्वसम्मत चयन भएका प्रधानाध्यापक थापाले बताए ।
विद्यार्थीहरुलाई शैक्षिक सामाग्री
बिर्तामोड नगरपालिका वडा नं.४ बस्ने समाजसेवी र शिक्षाप्रेमी बिष्णु लिङ्देनले शैक्षिक सामाग्री प्रदान गरेकी छन् ।
बिहीबार विद्यालयमा एक कार्यक्रमका बीच विभिन्न कक्षामा अध्ययनरत विद्यार्थीहरुलाई लिङ्देनले कापी उपलब्ध गराएको प्रधानाध्यापक जनकबहादुर थापाले जानकारी दिए ।
