हरेक अभिभावकले आफ्ना छोराछोरीले गुणस्तरीय शिक्षा पाउन भन्ने उद्देश्यले ऋण गरेर भए पनि सुविधा सम्पन्न विद्यालयमा भर्ना गर्ने गरेका छन् । तर झापाको बिर्तामोडमा सञ्चालित बेस्ट फ्युचर स्कुलमा भने थोरै लगानीमै विद्यार्थीले गुणस्तरीय शिक्षा पाउने गरेका छन् ।
बिर्तामोड नगरपालिका वडा नं.६ घण्टी वारिमा वि.सं.२०६८ सालमा स्थापना भएको विद्यालयमा कक्षा ३ सम्म अध्ययन हुने गरेको छ ।
शान्त वातावरणमा अवस्थित विद्यालयमा दक्ष शिक्षकबाट मन्टेश्वरी विधिबाट पठनपाठन हुने भएकाले अभिभावकको रोजाइमा विद्यालय पर्ने गरेको संस्थापक सुरेन्द्र खरेलले जानकारी दिए ।
उनका अनुसार विद्यालयमा ल्याबसहितको मन्टेश्वरी, कम्युटर ल्याब साथै विद्यार्थीका लागि नृत्य, संगित, विभिन्न खेल साथै यस बर्ष बाट उद्घोषण तालिमको व्यवस्था गरिएको छ । 
उनले भने ‘हाम्रो विद्यालमा अध्ययनका अतिरिक्त विद्यार्थीको रुचिको क्षेत्रलाई मध्यनजर गरेर उनीहरुलाई सहभागिता गराउने गरेका छौँ ।’
विद्यालयमा शिक्षक बन्न चाहानेका लागि मन्टेश्वरीसम्बन्धि तालिम समेत प्रदान गर्ने गरिएको र तालिमको सहजीकरण प्रिन्सिपल पुजा दाहालले गर्ने गरेको उनले बताए ।
विद्यालयमा टाढा-टाढाबाट आउने विद्यार्थीको लागि यातायातको सुबिधा समेत रहेको प्रिन्सिपल पुजा दाहालले बताइन् । उनका अनुसार विद्यालयमा १८ जना शिक्षक कर्मचारी कार्यरत रहेका छन् ।
