मोरङको लेटाङबाट जुवातास खेलिरहेको अवस्थामा नगदसहित सात जनालाई प्रहरीले पक्राउ गरेको छ।

लेटाङ–२, जाँतेमा श्वेता मगरको घरमा जुवा खेल्दै गरेको अवस्थामा उनीहरुलाई सोमबार राति २ बजे नगद एक लाख ८८ हजारसहित पक्राउ गरिएको प्रहरी नायव उपरीक्षक मानबहादुर राईले जानकारी दिए।

Advertisement

पक्राउ पर्नेमा लेटाङ–९, जाँतेका ४५ वर्षीय दधिराम पौडेल, २५ वर्षीय निर्मल मगर, ३१ वर्षीय रञ्जीत गजमेर, ५२ वर्षीय नरध्वज खड्का, ३२ वर्षीय चन्द्रबहादुर गौतम, २९ वर्षीय सिरीकुमार पुलामी मगर र तेह्रथुम मेन्सायोङ गापा-३ का यमकुमार शेर्पा छन्। प्रहरीले उनीहरुको साथबाट नगदसहित कौडा १ सेट, तास छ बुक र १६ थान मोबाइलसमेत बरामद गरेको छ।