बिर्तामोड । बिर्तामोड ४ मा रहेको इडन गार्डेन एजुकेशन फाउण्डेशन ले ३५ औँ वार्षिक उत्सव तथा सांस्कृतिक कार्यक्रम भव्यताका साथ मनाएको छ ।
शुक्रबार विद्यालय परिसरमा विविध सांस्कृतिक कार्यक्रम, पुरस्कार वितरण, सहित वार्षिक उत्सव मनाएको विद्यालयले जनाएको छ । 
विद्यालयका संस्थापक प्रिन्सिपल मोहन आर्चायको अध्यक्षतामा भएको सो कार्यक्रममा प्रमुख अतिथि बिर्तामोड नगरपालिका नगर प्रमुख पबित्रा महत्तरा प्रसाईले शुभकामना मन्तव्य राखेकी थिइन ।
कार्यक्रममा विद्यालयको वार्षिक प्रगति तथा भावि योजना प्रस्तुत गर्दै संस्थापक प्रिन्सिपल आर्चायले विद्यालयमा हाल एक ६ सय विद्यार्थी रहेको तथा कक्षा १० सम्म कक्षा सञ्चालन भईरहेको जानकारी दिए ।
शिक्षक प्रकाश पाण्डेले स्वागत गरेको कार्यक्रमको सहजीकरण शिक्षक गिताराम आर्चाय, विद्यार्थीहरु प्रनिशा मोहोरा, नेल्सन पराजुली, सुमिरन दुलाल र सुरज गौतमले संयुक्त रुपमा संचालन गरेका थिए । 
सो अवसरमा बर्ष उत्कृष्ट विद्यार्थी कक्षा १० बाट प्रनिशा मोहोरा र नेल्सन पराजुलीलाई नगद ३ हजार र प्रमाणपत्र वितरण गरिएको थियो । त्यस्तै गत बर्षको एसइइमा उत्कृष्ट नतिजा ल्याने आभाष मैनालीलाई नगद ५ हजार र प्रमाणपत्र वितरण गरिएको थियो । त्यस्तै बर्ष उत्कृष्ट हरियो सदनलाई ५ हजार नगद सहित ट्रफि प्रदान गरिएको थियो ।
विद्यालय व्यवस्थापन समिति अध्यक्ष तथा संस्थापक समिसा सिटौला आर्चाय,प्यावसन नगर अध्यक्ष उत्तम खनाल लगायतको आतिथ्यता रहेको थियो ।
