पुस २६ | बिर्तामोड उद्योग वाणिज्य सङ्घका अध्यक्ष प्रकाश सिवाकोटी फेरि विवादको घेरामा तानिएका छन् । इजलास दैनिकका सम्पादक प्रदीप परियारलाई केटाहरू लगाएर कुटपिट गर्ने धम्कीपछि उनी विवादको घेरामा तानिएका हुन् ।
यसअघि विभिन्न समयमा पटक-पटक विवादास्पद अभिव्यक्ति दिएका कारण उनको आलोचना हुँदै आएको छ ।
पत्रकार महासघ झापा ,प्रेस चौतारी,प्रेस संगठन झापाले चौतारीका उपाध्यक्ष प्रदीप परियारको मानमर्दन हुने गरी सार्वजनिक ठाउँमा अभिव्यक्ति दिएको भन्दै संघका अध्यक्ष सिवाकोटीको कडा आलोचना गरेको छ ।
प्रेस चौतारी सहित अन्य संगठनले बुधबार छुट्टाछुट्टै विज्ञप्ति निकालेर अध्यक्ष शिवाकोटीले दिएको अभिव्यक्तिको निन्दा गरेको हो । बिर्तामोडको एउटा सहकारी संस्थाको साधारण सभामा अध्यक्ष शिवाकोटीले पत्रकार परियारविरुद्ध अपमानजनक टिप्पणी गरेका थिए ।
इजलास दैनिकका सम्पादक परियारलाई केटाहरू लगाएर कुटपिट गर्ने धम्की अध्यक्ष शिवाकोटीले दिएको प्रेस चौतारीद्वारा जारी विज्ञप्तिमा जनाइएको छ ।
