पुस ६ । विश्व यात्रामा निस्किएकी दासलाई हेप्पील्याण्ड फनर्पाले गर्यो सम्मान सहित विदाइ। विश्व शान्तिको उदेश्यले भारतको आसामकी मिनाक्क्षी दासले विश्वका ६७ देशको भ्रमण नेपालबाट सुरुवात गरेकी छिन् ।
नेपालको धार्मिक एकता र बुद्काे भुमि विश्व सामु परिचत गराउने उदेश्यले मोटरबाइक यात्राको सुरुवात नेपालबाट गरिएको उनको भनाइ छ ।
झापाको कन्काईनगरपालिका स्थित हेप्पिल्याड पार्कको आयोजनामा आयोजित एक कार्यक्रमका बिच कनकाई नगरपालिकाका नगर प्रमुख राजेन्द्र पोखरेल, पार्कका प्रबन्ध निर्देशक दिनेश सिल्वालले संयुक्त रुपमा दासलाई स्वागत गरेका थिए ।
पार्कले यात्रालाई सहयोग स्वरूप १६ हजार आर्थिक सहयोग समेत प्रदान गरेको छ । मोटरसाइकल यात्री दासले नेपालबाट अथाह माया मिलेको र नेपाली धर्म संस्कृतिलाई विश्वसामु चिनाउन महत्वपूर्ण योगदान पुर्याउने बताइन् ।
उनले हेप्पील्याण्ड फनपार्कलाई बिशेष धन्यवाद दिदै नेपाली महिलाहरुलाई अभिप्रेरणा जगाउने काममा लागिरहन आग्रह गरिन ।
उनले विश्वका ६७ देशको यात्रा रुट आफुले अध्ययन गरेकाले यात्रा सफल हुने दाबी गरिन । ११ महिनामा विश्व भ्रमण सकि भारत फर्किने जानकारी दिइन् ।
एक्लो महिला विश्व भ्रमण गर्छु भन्ने आत्माविश्वासले देशबाट निस्कनु भएकी दास सबै महिलाका लागि प्रेरणाकी स्रोत बन्नुभएको नगर प्रमुख राजेन्द्र पोखरेलले बताए । 
यात्राको सुरुवात आफ्नो छिमेकी देश नेपालबाट त्यसमाथि झापाको सुरुङ्गालाई छनोट गरेकोमा धन्यवाद दिए ।नगर प्रमुख पोखरेलले यस किसिमका भ्रमणले पर्यटन र धर्म संस्कृति विश्वसामु पु¥र्याउन महत्वपुर्ण भुमिका खेल्ने बताए ।
उनलाई स्वागत गर्न विश्व हिन्दु महासंघका प्रतिनिधी लगायत भारत स्थित गोरखपुरबाट उल्लेख्य रुपमा भारतीय नागरिकहरुको उपस्थीति रहेको थियो ।
