पुस ६ । झापा बिर्तामोडका स्थायी बासिन्दा १०१ वर्षीय लक्ष्मीप्रसाद पौडेललाई सर्वज्येष्ठ वंश सम्मानबाट अभिनन्दन गरिएको छ ।
दमकमा पौडेल बन्धुहरुले आयोजना गरेको सप्ताहव्यापी श्रीमद भागवत ज्ञान महायज्ञको समापनका अवसरमा उनलाई अभिनन्दन गरिएको हो ।
उनलाई पौडेल वंश महासंघका केन्द्रीय अध्यक्ष एवम् महायज्ञ आयोजक मुल समितिका अध्यक्ष लोकनाथ पौड्यालले सम्मान गरेका हुन् ।
सो अवसरमा पौड्याल वंशोद्वार केन्द्रीय समितिका वरिष्ठ उपाध्यक्ष प्रल्हादकुमार पौड्याल, उपाध्यक्ष सुरेश पौडेल, महासचिव युवराज पौड्याल, कोषाध्यक्ष शशिराज पौड्याल, पूर्वउपाध्यक्ष मन्धरा पौडेल, केन्द्रीय सदस्य रामकुमारी पौड्याल लगायत उल्लेख्य संख्यामा पौडेल बन्धुहरु सहभागी थिए ।
ताप्लेजुङको थेचम्बुमा विसं १९८० साल असोज ११ गते जन्मिएका पौडेल बेलायती सैनिकमा सेवा गरेर स्वदेश फर्किएपछि लगातार १५ वर्ष सम्म ताप्लेजुङको थेचम्बुमा तत्कालीन प्रधानपञ्चका रुपमा रहेका थिए ।
हाल बिर्तामोड हुँदै काठमाडौँमा स्थायी बसोबास गर्दै आएका पौडेल साताअघि महायज्ञमा दैनिक उपस्थित भएका थिए ।
दमकमा पौडेल बन्धुहरुले आयोजना गरेको श्रीमद मागवत सप्ताह ज्ञान महायज्ञमा प्राप्त खाद्यन्न सहयोग बाल आश्रमलाई प्रदान गरिएको छ ।
महायज्ञ समापनपछि दाताहरुबाट प्राप्त भएको चामल, भुजा, तरकारी लगायतका करिब २ क्विन्टल खाद्य सामग्री दमक ९ स्थित दमक बाल आश्रममा आश्रित बालबालिकाहरुका लागि प्रदान गरिएको हो ।
