झापा । पछिल्लो २४ घण्टामा झापामा ३ जना कोरोना संक्रमितको मृत्यु भएको छ ।
मृत्यु हुनेमा मेचीनगर १४ कि ७० बर्षीया महिला , दमक ३ का ७० बर्षीय पुरुष र दमक ५ की२२ बर्षीया युवतिको मृत्यु भएको हो । यो सँगै जील्लामा कोरोनाका कारण ज्यान गुमाउनेको संख्या ५६ पुगेको स्वास्थ्य कार्यालयले जनाएको छ ।
यस्तै गत चौबिस घण्टामा ६ जना स्वास्थ्यकर्मीसहित २३ जनामा कोरोना संक्रमण पुष्टि भएको कार्यालयका फोकल पर्सन जीवन चम्लागाईले जानकारी दिनुभयो । संक्रमितहरुमा बिर्तामोडका ३ महिला १ पुरुष गरी ४ जना , भद्रपुरका २ पुरुष ,गौरादहका १ महिला र ३ पुरुष गरी चार जना ,मेचीनगरका १ पुरुष , अर्जुनधाराकी १ महिला , दमकका २ महिला र ८ पुरुष गरी १० जना र कन्काईका १ पुरुष रहेका छन् ।
हालसम्म जील्लामा ३० हजार २ सय ७४ जनाको स्वाब संकलन गरीएकोमा संक्रमितको संख्या २ हजार २ सय ४३ पुगेको छ भने १ हजार ३ सय ७९ जना डिस्चार्ज भएका छन् । आजसम्म सक्रिय संक्रमितको संख्या ८ सय ८ रहेको छ ।
