झापा । इजरायलमा ज्यान गुमाएका नेपाली विद्यार्थीको सम्झना तथा उद्धार लागि खबरदारी संगै श्रद्धाञ्जलि दिईएको छ ।
मंगलबार फक्ताङ्लुङ बाल क्लब र स्काउटले संयुक्तरूपमा कन्काई नगरपालिकाको दुर्गापुरमा र्याली निकाल्दै कोणसभा मार्फत नेपाली विद्यार्थीको उद्दार गर्न सरकारलाई खबरदारी गरेका थिए ।
कन्काई नगरपालिका ७ मा रहेको बिद्यालयले विद्यार्थी मार्फत मृतकको चिरशान्तीको कामना गर्दै श्रद्धाञ्जली कार्यक्रम गरिएको प्रधानाध्यापक ओम बिक्रम नेङ्वाङले जानकारी दिए । नेपाली युवा विद्यार्थीको मृत्युको खबरले स्तब्ध भएको भन्दै स्काउट ट्रुपका लिडर अस्विन नेङ्वाङ र बाल क्लबका उपाध्यक्ष रिजन तिम्सिनाले श्रद्धाञ्जली सभामा बोल्दै घाइते तथा अलपत्र परेका नेपाली विद्यार्थीको उद्धार गर्न राज्य संयन्त्र संग माग समेत गरेका थिए ।
हमासले असोज २० गते बिहान इजरायलको दक्षिणी क्षेत्रमा आक्रमण गरेको थियो ।
त्यस आक्रमणमा परेर १० जना नेपाली विद्यार्थीको ज्यान गएको छ । उनीहरू कृषि अध्ययनका लागि इजरायल पुगेका थिए । इजरायल सरकारको ‘अर्न एन्ड लर्न’ कार्यक्रम अन्तर्गत २६५ नेपाली विद्यार्थी इजरायल गएका थिए ।
उनीहरूमध्ये कृषि तथा वन विज्ञान विश्वविद्यालयबाट १ सय १९ जना, त्रिभुवन विश्वविद्यालयबाट ९७ जना र सुदूरपश्चिम विश्वविद्यालयबाट ४९ जना विद्यार्थी गएका हुन् ।
