बिर्तामोड । राष्ट्रिय युवा संघ बिर्तामोड वडा कमिटीले रक्तदान कार्यक्रम सम्पन्न गरेको छ ।
बिर्तामोड नगरपालिका २ नम्बर वडा कमिटीको आयोजनामा रक्तदान कार्यक्रम मार्फत ४० पाउण्ट रगत संकलन गरिएको हो । 
पछिल्लो समय बिरामीको संख्या बढे संगै रगत अभाव नहोस् भन्ने उदेश्यले कार्यक्रम आयोजना गरिएको अध्यक्ष कमला लिम्बुले बताईन । 
चैतुबारी स्थित पञ्चरत्न माध्यमिक बिद्यालयको सभाहलमा आयोजित रक्तदानमा नगर उप-प्रमुख नगेन्द्र संग्रौलाको प्रमुख आतिथ्य रहेको कार्यक्रममा नेकपा एमाले नगर कमिटी अध्यक्ष सुभाष भट्टराई ,युवा संघका केन्द्रीय सदस्य एंव उत्प्रेरक राज आङ्दाङ्बे ,वडा नम्बर २ का वडाध्यक्ष किशोर कुमार पौडेलले शुभकामना राख्दै युवाहरु रचनात्मक कार्यमा सहकार्य गर्न आग्रह गरे । 
अध्यक्ष लिम्बुको अध्यक्षता रहेको कार्यक्रममा नेपाल रेडक्रस सोसाइटी झापाको प्राबिधिक सहयोग रहेको थियो ।
