बिर्तामोड । बिर्तामोड स्थित सप्तक संगितालयले बाल दिवसको उपलक्ष्यमा वक्तित्व प्रतियोगिता सम्पन्न गरेको छ ।
बिर्तामोड ५ मा रहेको संगितालयले आफ्ना विद्यार्थीहरु बिच प्रतियोगिता गरिएको संस्थापक आकृति खतिवडाले जानकारी दिइन् । 
प्रतियोगितामा रितिका गौतम ,सपना भट्टराई ,लक्ष्य सोनि ,लोजिफुङ लिम्बू ,अब्नि सिग्देल ,नबिनता कोइराला ,नित्यन्स अग्रवाल लाई पुरस्कृत गरिएको खतिवडाले बताईन ।
गायन प्रशिक्षक अर्पण सापकोटाको अध्यक्षता रहेको कार्यक्रममा न्यूटन्स बाल क्लब फोकल पर्सन मिनु शिवाकोटीको प्रमुख आतिथ्य रहेको थियो ।
सिमृका बोहोरा,काब्या सोनि ,अनवेशा थापाले संयुक्तरूपमा कार्यक्रमको संचालन गरेका थिए ।
संगितालयका संरक्षक कुशल पौडेलले स्वागत तथा प्रकाश पारेको कार्यक्रममा आयुस घिमिरे ,उत्सव बुढाथोकी ,इतुशा लिम्बुको उपस्तिथि रहेको थियो । 
बालबालिकालाई नृत्य ,गायन,उद्घोषण ,आर्ट लगायतका प्रशिक्षण प्रदान गर्दै आएको बताईएको छ ।
शनिबारको दिन बालबालिकाको समय खेर जान बाट बचाउन स्याट्डे क्लासको रुपमा संगितालयले प्रशिक्षण प्रदान गर्दै आएको छ भने प्रत्येक दिन गायन र बाध्यबादनको कक्षा संचालन गर्दै आएको संरक्षक पौडेलले जानकारी दिए ।
