बिर्तामोड – भद्रपुर रोड निर्माणकार्य शुरु भएको दुई बर्ष नाघ्यो । कहिले ठेकेदार ,कहिले सरकारका कारण बिर्तामोड बासी धुलो खादै बस्नु परेको अवस्था छ ।
धुलोकै कारण व्यावसायि मात्र होइन उपभोक्ता समेत उतिकै प्रभावित छन् ।यहाँ व्यावसायिक रुपमा ठूलो कारोबार हुने गर्छ ।
पटकपटक निर्माणकार्य रोकिदै आएको यस क्षेत्र गत चैतमा लकडाउनको समयमा थुप्रै प्रचार बाजि भए , लकडाउन पछि बिर्तामोड बासीले नयाँ बाटोमा हिड्न पाउने भए भनेर ।
सो बिचमा केही मजदुर र यात्रुपनी प्रयोग भए तर निर्माण कार्यले गति लिन सकेन । स्थानीयको व्यापक बिरोध पछि नगरपालिकाले पानी हाल्दै आएको थियो । तर केही दिन अघिदेखि बाटोमा पानी हाल्न छोडेपछि स्थानीयले सामाजीक सञ्जालमा सरोकारवालाको ध्यानाकर्षण गराउँदै बिभिन्न स्टाटस्हरु लेखेका थिए ।
लगत्तै असन्तुष्ट सर्वसाधारण र उपभोक्तालाई बिर्तामोड नगरपालिकाका प्रमुख ध्रुवकुमार शिवाकोटीले आफ्नो आधिकारिक फेसबुक पेजमार्फत यसै बर्षको दशै अगाडि बाटो कालोपत्रे हुने भएकाले तत्काल पानी हाल्न नमिल्ने भन्दै ठेकेदारलाई उदृत गर्दै केही दिन धैर्य गर्न आग्रह गरेका थिए ।
तर उक्त समयमा उनको ब्यबसाय भएको क्षेत्र बिर्तामोड २ मा रहेको हेवन पार्क जाने बाटोमा मात्र कालोपत्रे गर्ने काम सम्पन्न भएपछि उनले केहि समयअघि लेखेको स्टाट्स यतिबेला ट्रोल बनिरहेको छ ।
फेसबुक प्रयोगकर्ताहरुले शिवाकोटीको केहि समयअघिको सो स्टाट्स सेयर गर्दै बिर्तामोड -भद्रपुर सडक कहिले बन्छ ? भन्दै उनलाई मेन्सन गरी प्रश्न गरीरहेका छन् । उक्त सडकमा पर्ने केही विवादित क्षेत्रहरूको समस्या समाधान भइसकेको भएपनी निर्माणकार्य कछुवाको गतिमा छ।
