झापा । बिर्तामोडका असाहाय बालबालिका लाई स्थानीयले सहयोग गरेका छन् ।
बिर्तामोड नगरपालिका २ चारपानेका तीन जना बालबालिका लाई सोही वडाका खेलकुद बिकास समिति अध्यक्ष कमला लिम्बू र सुजु राईले उनिहरुलाई आवस्यक पर्ने खाद्यान्न ,पंखा ,साबन,तेल लगायतका सामाग्री बितरण गर्नु भएको हो ।
एक भाइ र बहिनी लाई संरक्षण गर्दै आएकी १४ बर्षिया बालिकाको अभिभावक नभएर दुखजिलो र कष्टकर जीवन बिताउदै आएका थिए ।
केही समय अगाडि आमाले दोस्रो बिबाह गरेपछि बुबाले पनि छोडेर हिडेको स्थानीयहरुले बताएका छन् ।
बिद्यालयको पहुँच बाहिर रहेका उनिहरुलाई दाताको सहयोगमा उनिहरुलाई संरक्षणको पहल भईरहेको वडाध्यक्ष किशोरकुमार पौडेलले बताउनु भयो ।
सहयोगीहरु संग आवस्यक छलफल परामर्श गरिएको र केही दिन भित्रमा बालबालिकालाई अभिभाबकत्व दिलाउने बताउनु भयो ।
बालबालिकाले पढ्न ,लेख्न पाउने अधिकार बाट बन्चित हुनु पर्दैन हामीले थाहा पाएसम्म यस्ता समस्याको समाधान स्थानीय सरकारले सम्बोधन गर्ने अध्यक्ष पौडेलले बताउनु भयो । बाल मैत्री वडा निर्माणको तयारीमा रहेको सो वडामा जनचेतनाका कार्यक्रम हुन थालेपछि जन्मदर्ता र प्रमाणीकरण गर्न अभिभावक वडा जान थालेका छन् ।
