बिर्तामोड । न्यूटन्स् बाल क्लबले ५० औं विश्व वातावरण दिवसको अवसर पारेर बिर्तामोडमा साइकल र्याली सम्पन्न गरेको छ ।
बालबालिकाले सचेतनामूलक साइकल र्याली तथा कोणसभा गर्दै बाताबरण मैत्री बन्न आग्रह गरेका हुन् । बिर्तामोड नगरपालिकालाई सुन्दर,सफा, स्वच्छ, हरियाली र प्लाष्टिकमुक्त क्षेत्र बनाउन न्यूटन्स् बाल क्लबको आह्वानमा मुक्तिचौक ,बिर्ताबजार,शैनिकमोड ,आँखा अस्पताल हुँदै नगरपालिकाको प्रागणमा कोणसभा गरिएको थियो ।
बिर्तामोड परिक्रमा पश्चात् बिर्तामोड नगरपालिकाको कार्यालय अगाडि प्ले कार्ड सहित उपस्तिथ भएका बालबालिकाले नगर उप-प्रमुख लाई ब्यानर हस्तान्तरण गरेका थिए ।
क्लबका सचिव संस्कार भट्टराईको अध्यक्षता तथा बिर्तामोड नगरपालिकाका उपप्रमुख नगेन्द्रप्रसाद संग्रौलाको प्रमुख आतिथ्यमा भएको कार्यक्रममा प्रमुख अतिथि संग्रौला ,शिक्षा शाखा प्रमुख तिलचन भण्डारीलगायतले विश्व वातावरण दिवसको महत्वका बारेमा प्रकाश पारेका थिए । बाल क्लब फोकल पर्सन मिनु शिवाकोटीले संचालन गरेको कार्यक्रममा प्रधानाध्यापक देवेन्द्र हुमागाईंले स्वागत मन्तव्यसहित कार्यक्रमको औचित्यका बारेमा प्रकाश पारेका थिए ।
कार्यक्रममा बिर्तामोड आँखा अस्पतालका बिनोद दाहाल ,नगरपालिका पुर्व कर्मचारी देवराज कार्की सहित कक्षा ७ देखि १० सम्मका विद्यार्थीको सहभागीता रहेको थियो ।
