झापा । बिर्तामोड स्थित न्यूटन्स् स्कुलले कक्षा १२ का विद्यार्थी लाई विदाइ तथा सम्मान गरेको छ ।
बिर्तामोड ५ मा रहेको न्यूटन्स् एजुकेशन एकाडेमीले कक्षा १२ को परिक्षामा सहभागी हुने विद्यार्थी लाई बिदाई तथा शिक्षकलाई सम्मान समेत गरेको हो ।
बिर्तामोडमा आज एक कार्यक्रमका बिच शिक्षण सहजीकरण तथा मुल्यांकनका आधारमा अर्थशास्त्र विषयका शिक्षक भोजराज दाहाल,भौतिकशास्त्रका अमरेन्द्र मिश्र,रसायनशास्त्र राजु बराल नेपालीका अम्बिका खतिवडा लाई सम्मान गरिएको बिद्यालयका प्रधानाध्यापक देबेन्द्र हुमागाँईले जानकारी दिए ।
यस्तै प्राथमिकतह देखि कक्षा १२ सम्म सोही बिद्यालयमा अध्ययन गर्ने विद्यार्थी समीक्षा सरकार, मेजर ह्याङचेम्जोङ,अनुप्रिया शिवाकोटी, सरोज गेलाल र नियमित बिद्यालयमा उपस्थित हुने विद्यार्थी विज्ञान संकायका दीपिका राई तथा ब्यबस्थापन तर्फका आयुष प्रसाई लाई सम्मान सहित मायाको चिनो प्रदान गरिएको थियो । 
कार्यक्रममा प्रधानाध्यापक हुमागाईले उच्च शिक्षा हासिल गर्दै मर्यादित र असल नागरिक बन्न सुझाएका थिए।
कार्यक्रममा विद्यार्थीले गायन,नृत्य लगायत प्रस्तुति राखेका थिए । 
