झापा । बिर्तामोडमा रहेको मनकामना माध्यमिक बिद्यालयले बाल मैत्री शिक्षा संचालन गरिरहेको छ ।
नमूना र उत्कृष्ट बिद्यालयको रूपमा स्थापित बिद्यालयले बालबालिकालाई आफू अनुकुल शिक्षा प्रदान गर्दै आएको छ । नर्सरी देखि स्नातकोत्तर सम्मको पठनपाठन हुने भएकाले अभिभावक अझ आकर्षित छन् । 
बिर्तामोड १ मा रहेको सो बिद्यालयमा बिगत लामो समय देखि विद्यार्थीको रुचि अनुसारका कक्षा संचालन गर्दै आएको बिद्यालयका प्रधानाध्यापक केशब ढुंगानाले जानकारी दिए ।
हामीले विद्यार्थी खोज्दै घर-घर जानू पर्दैन अभिभावक आफै आएर विद्यार्थी भर्ना गराउनु हुन्छ। दक्ष शिक्षक संगै बालबालिका लक्षित कार्यक्रमले पठनपाठनमा समेत सहयोग पुग्ने गरेको बताईएको छ । 
प्रधानाध्यापक ढुंगानाका अनुसार बालबालिकालाई जातीय पहिचानमा प्रयोगात्मक अभ्यास गराउन प्रत्येक महिना क्याजुएल डे मनाउने गरिएको बताए । बालबालिका लाई आफ्नो जातीय पहिरनको शिक्षा दिन जातीय पोषाक लगाएर बिद्यालय आउन बिशेष दिन तोकिएको छ । उनिहरुले आफ्नो जाती या फरक जातजातिको पहिरनमा सजिएर बिद्यालय आउँदा संस्कृतिको बारेमा जानकारी प्राप्त गर्ने गरेका छन् । 
शिक्षकले जति नै घोकाएर पठनपाठन गराए पनि विद्यार्थी खुशी भएन भने त्यो गुणस्तरीय शिक्षा नहुने महसुस गर्दै उनिहरुलाई बिद्यालयमा रुचि अनुसारको शिक्षा समेत प्रदान गर्ने गरिएको सह- प्रधानाध्यापक ध्रुवकुमार गौतमले बताए ।
प्रत्येक हप्ताको एकदिन नृत्य ,गायन,संगीत ,कराते,नाटक र उद्घोषण लगायतका प्रशिक्षण प्रदान गरिने गरिएको गौतमले जानकारी दिए । 
उनका अनुसार बिद्यालय भित्र हुने कार्यक्रम बालबालिका आफैले संचालन गर्ने गरेकाले उनिहरु खुलेर भाषण गर्ने ,मन्तव्य राख्ने र बाल क्लब तथा कक्षा ,स्कुल क्याप्टेन छनौट लगायतका गतिविधिमा विद्यार्थीकै संलग्नता रहने छ ।
मतदाता शिक्षा र अभ्यास समेत विद्यार्थीले स्कुलमा गर्दै आएका छन् । सदन ,कक्षा,स्कुल क्याप्टेन मतदान प्रक्रिया बाट गराईने गरिएकाले ब्यबहारिक रुपमा बैठक संचालन जस्ता गतिविधि समेत बालबालिकाले गर्ने गरेका छन् ।
विद्यार्थी तथा अभिभावकको उत्कृष्ट रोजाइको शैक्षिक गन्तव्यको रुपमा स्थापित विद्यालयमा बाल मैत्री तथा शैक्षिक रचनात्मक गतिविधिहरु मार्फत बाल मनोबिज्ञानका आधारमा पठनपाठन गर्दै आएको देखिन्छ ।
स्थानीय क्षेत्रमा रहेका प्रशिक्षक मार्फत विद्यार्थीको अन्तर क्षमतालाई बिकास गर्न सहयोग पुग्ने भएकाले कार्यक्रम प्रभावकारी हुने बिद्यालयले जनाएको छ।
करिब ७ सय विद्यार्थी अध्ययन गर्ने बिद्यालयमा यातायात ,खाजा घर,खेलमैदान लगायतका सुबिधा सम्पन्न भवन र बाल मैत्री बाताबरणमा पठनपाठन हुने भएकाले अभिभावक र विद्यार्थीको आकर्षण बढ्दो मात्रामा रहेको प्रधानाध्यापक ढुंगानाले बताए । 
बार्षिक पात्रो निर्माण गरि बालबालिका ,अभिभावक र शिक्षकको बैठक तथा भ्रमण समेत गराउने कार्यले थप हौसला प्रदान गरेको छ। बिद्यालयले समय समयमा अभिभावक शिक्षा संचालन गर्ने गरेका कारण अभिभावक बिद्यालय र विद्यार्थी प्रती उत्तरदायी बन्दै गएको प्रधानाध्यापक ढुंगानाले बताए ।
