झापा । अक्षय तृतियाको अवसरमा न्यूटन्स् बाल क्लबद्वारा सर्वत तथा जौको सातु वितरण गरेको छ।
हिन्दु धर्मावलम्बीले मनाउने अक्षय तृतियाको अवसरमा बिर्तामोड ५ स्थित न्यूटन्स् एजुकेशन एकाडेमीमा रहेको बाल क्लबले विद्यार्थीलाई सर्वत तथा सातु बितरण गरेको क्लब फोकल पर्सन मिनु शिवाकोटीले जानकारी दिईन ।
हराउँदै गएको संस्कृति लाई संरक्षण गर्दै बालबालिकालाई साहित्य संस्कृतिको ब्यबहारिक ज्ञान दिने उदेश्यले सो कार्यक्रम गरिएको बिद्यालयका प्रधानाध्यापक एंव बाल क्लब संरक्षक देबेन्द्र हुँंमागाईले बताए ।
बिद्यालयको सहयोगमा सांस्कृतिक गतिविधि र पर्वहरु मनाउन पाउँदा खुशी लागेको क्लबकी अध्यक्ष अर्पणा लोहनीले बताइन् ।
उनका अनुसार बिद्यालयमा पढ्न मात्र होईन वास्तविक सिकाई ब्यबहारिक रुपमा गर्न पाएको बताइन् ।
बिद्यालय परिसर बाहिर सर्वसाधारणलाई समेत सर्वत बितरण गरिएको थियो । कक्षा नर्सरी देखि १० सम्मका २७ सय बालबालिका तथा सर्वसाधारण लाई सर्वत तथा सातु बितरण गरिएको फोकल पर्सन शिवाकोटीले जानकारी दिईन् ।
