झापाको कनकाई नगरपालिकास्थित ह्याप्पी ल्याण्ड फन पार्कले नयाँ वर्षमा विशेष अफर ल्याएको छ ।

पार्कले नयाँ वर्षको अवसरमा प्रवेश शुल्कमै दर्जन भन्दा बढी खेल तसामा खेल्न सकिने गरी अफर ल्याएको सञ्चालक मनोज शिवाकोटीले जानकारी दिए । उनले नयाँ वर्षको अवसरमा आन्तरिक तथा बाह्य पर्यटकलाई लक्षित गरेर विशेष योजना ल्याएको बताए ।

Advertisement

“एउटै टिकटमा भरपूर मनोरञ्जन लिन सकिनेछ”, उनले भने, “नयाँ वर्षलाई विशेष बनाउने योजनाका साथ हामीले अफर ल्याएका हौं ।” पार्कमा प्रवेश गर्न २०० रुपैयाँ मात्र शुल्क निर्धारण गरिएको उनले बताए । टिकट काटेपछि साइक्लिङ स्वीमिङ बाहेक सबै खेल हेर्न र खेल्न पाइने पार्कले जनाएको छ ।

पार्कमा झापा, मोरङ, सुनसरी, इलाम लगायत भारतका विभिन्न स्थानका पर्यटक आउने गरेका छन् । नयाँ वर्ष २०८० को अवसरमा पार्कमा २० हजार बढी पर्यटक आउने अनुमान गरिएको छ ।