झापाको शिवसताक्षी–८ झिलझिलेस्थित वाटर किङडम वाटर पार्कमा तीन दिवसीय ‘डे म्युजिकल इभेन्ट’ आयोजना हुने भएको छ ।
नयाँ वर्ष २०८० को अवसरमा भोलि चैत ३० गते बिहीवारदेखि बैशाख २ गते शनिबारसम्म ‘डे म्युजिकल इभेन्ट’ हुने भएको हो । दैनिक बिहान १० बजेदेखि साँझसम्म कन्सर्ट तथा विभिन्न सुइमिङ्गका खेल तमासा हुने वाटर किंगडम पार्कका सञ्चालक राजकुमार संग्रौला ले जानकारी दिएका हुन । कन्सर्टमा प्रत्येक दिन अलग–अलग राष्ट्रिय तथा अन्तरास्ट्रिय स्तरमा नै लोकप्रिय छबी बनाएका ब्यान्डको प्रस्तुति रहने पार्कका कार्यकारी निर्देशक सौजनराज सग्रौलाले जानकारी दिए ।
भोलि चैत ३० गतेबिहीवार झिल्के इन्दि कम्पनी र ट्रइवले रेन, बैशाख १ गतेपर्सि शुक्रबार कालीप्रसाद बाँस्कोटा र बैशाख २ गतेशनिबार द एक्स ब्याण्डको प्रस्तुती रहने संग्रौलाले बताए । ग्रुपमा आउने तथा विद्याथीका लागि विशेष छुटको व्यवस्था रहेको उनकाे भनाइ छ ।
पार्कमा पाँच वटा स्लाइटर (ठूलो चिप्लेटी)बाट स्वीमिङको मजा लिन सकिन्छ भने छालसहितको मनोरञ्जनात्मक पुल लगायतका पानीका खेलहरु रहेका छन् । त्यस्तै, छुट्टाछुट्टै एसी रुम, पार्टी एवम् सभा हल, रेष्टुरेन्ट एण्ड बार लगायत रहेका छन् ।
पछिल्लो समय पूर्वकै उत्कृष्ट पर्यटकीय गन्तव्यको रुपमा चिनिएको वाटर किङडम पार्कमा गर्मीयाम शुरु भएसँगै पानीजन्य खेलको मजा लिन आन्तरिक तथा बाह्य पर्यटकको घुइँचो लाग्ने गर्दछ । यतिबेला बालबालिकादेखि जेष्ठ नागरिकसम्मका पार्कमा रमाइलो गर्न आउने गरेका पार्क सञ्चालिका मेनुका सिटौला संग्रौलालले जानकारी दिन ।
पूर्वपश्चिम राजमार्ग अन्तरगत झिलझिलेदेखि दक्षिणतर्फ करिब पाँच सय मिटरको दूरी पार गरेपछि वाटर किङडम वाटर पार्कमा पुग्न सकिन्छ ।
