बिर्तामोड । झापाको बिर्तामोड नगरपालिका ९ गरामनी हुँदै हल्दिबारी जाेड्ने सडक खण्डमा बिगत २ बर्ष देखि ह्युम पाईपमा भ्वाङ् परेको भए पनि हाल सम्म मर्मत गरिएको छैन । सडकको बिचमै भ्वाङ परेकाे यति लामो समय बितिसक्दा समेत स्थानीय सरकार मर्मत गर्ने कार्यमा मौन छ । दक्षिणी भेग हल्दिबारी ,जलथल जाेड्ने सडक अन्तर्गत रहेकाे सो बाटो ह्युम पाईपकाे बिच भागमा ठुलाे भ्वाङ परेकाे हाे।
सडकमा रहेकाे ह्युम पायपमा भ्वाङ परेका कारण दुर्घटना निम्तिन सक्ने स्थानीयले चिन्ता ब्यक्त गर्दै आएका छन् । गरामनीको दुर्गा मा वि, देबकोटा आधारभुत विद्यालय लगाएतका विद्यार्थीहरुले समेत सोहि बाटो प्रयोग गर्दै आएका छन् । स्थानीय युवाहरुले पटकपटक सो बाटो मर्मत गरिदिन आग्रह गरेपनी वडाकार्यालयले चासो देखाएको छैन ।
वडा नं ९ भित्र रहेकाे अति ब्यस्त सडककाे ह्युम पाइप भ्वाङ पर्दा समेत बनाउने क्रममा वडा कार्यालयले चासाे नदिएपछि त्याे सडकमा सवारी साधन लिएर जाे काेही ब्यक्ति गएमा दुर्घटनामा पर्न सक्ने प्रबल संभावना बढेकाे छ। त्यही सडक भएर जनप्रतिनिधि एवम राजनीति दलका नेताहरु दैनिक ओहोरदोहोर गर्छन् । जनप्रतिनिधिहरु दैनिक ओहोरदोहोर गर्दा समेत सडकमा नागरिकहरुलाई दुर्घटनाको जाेखिम छ भन्ने थाहा पाउदैन।
सडकमा ह्याम्प पाइप भ्वाङ् परेका कारण दुर्घटनाको जाेखिम बढेकाे भन्दै स्थानीयबासीले ह्युम पायप भ्वाङ परेकाे ठाउँमा ढुङ्गा राखेर खतराको संकेत दिएका छन् । स्थानीयबासी भन्छन्, वडाले चाहेमा एक दिनमा ह्याम्प पाईप फेर्न सक्छ तर किन नदेखेको हो अचम्ममा परेका छौं । केही बर्ष अगाडि सो सडक कालोपत्रे गरिएको थियो तर हाल भने कालोपत्र गरिएको अवसेस मात्र भेटिन्छ ।
