झापाको कनकाईमा पालिका स्तरीय १३ औं राष्ट्रपती रनिङशिल्ड छनौट खेलकुद प्रतियोगिता हुने भएको छ ।
कन्काई नगर खेलकुद विकास समिती र कनकाई शिक्षा शाखाको आयोजनामा राष्ट्रपती रनिङशिल्ड खेलकुद प्रतियोगिता २०७९ अन्तर्गत कन्काई नगरको छनोट प्रतियोगिता आगामी माघ २३ देखि २६ गते सम्म सन्चालन गरिने नगर खेलकुद विकास समितीका अध्यक्ष जविन तिम्सिनाले जानकारी दिनुभयो ।
प्रतियोगिता अन्तर्गत कबडी , एथलेटिक्स , भलिवल , टेवल टेनिस र मार्सल आर्ट विधामा आयोजना हुने भएको छ । यसैबीच ,प्रतियोगितामा नगरभरिका सामुदायिक र संस्थागत बिद्यालयलाई सहभागीता जनाउन आयोजकले अनुरोध गरेको छ ।
कनकाई नगरभरिका सामुदायिक र संस्थागत बिद्यालयबाट सहभागीता रहने उक्त प्रतियोगिता कनकाई माविको खेलमैदान , कनकाई ४ ईलुवाबारी बुद्ध चोकमा रहेको नयाँ खेलमैदान र कनकाई ३ मा रहेको ग्लोबल एडुकेयर एकाडेमीको खेलमैदानमा सञ्चालन गरिने र उक्त प्रतियोगिता माघ २३ गते कनकाई माविको खेलमैदानमा एक कार्यक्रम गरि उद्घाटन गरिने पनि अध्यक्ष तिम्सिनाले जानकारी गराउनुभयो ।
प्रतियोगितामा छनौट भएका खेलाडीलाई फागुन ९ देखि फागुन ११ गतेसम्म सञ्चालन हुने जिल्ला स्तरिय राष्ट्रपती रनिङशिल्ड छनौट खेलकुद प्रतियोगितामा सहभागी गराईने छ भने उक्त जिल्लास्तरीय प्रतियोगिता कनकाई नगर खेलकुद समितिको विषेश पहलमा कनकाईमै आयोजना गरिने सहमति भएको अध्यक्ष तिमतिम्सिनाले जानकारी दिनुभयो ।
