बिर्तामोड । बिर्तामोड नगर इसाई समाजको आयोजनामा आउँदै गरेको नव वर्ष सन् २०२३ र ‘येशुख्रीष्टको जन्मदिन अर्थात् ख्रीष्टमस बडादिन’को ख्रीष्टमस शुभकामना आदान प्रदान कार्यक्रम सम्पन्न गरेको छ ।
बुधबार रेभरेन्ट अमर कन्दङ्वाको अध्यक्षता तथा विर्तामोड नगरपालिकाकी नगर प्रमुख पवित्रा महतारा प्रसाईंको प्रमुख आतिथ्यमा रहेको कार्यक्रममा पास्टर इन्द्र खतिवडाले शुरुको प्रार्थना , इमानुएल चर्चका कलाकारले स्वागत गीत, , माउण्ट सिनाई चर्चका कलाकारले स्वागत प्रस्तुत गरेका थिए ।
येशुख्रीष्टको प्राथना गर्दै रेभरेन्ट एनवी राई , पास्टर नरेन राई पास्टर यासोन शेर्पाले ख्रीष्टमस सन्देश प्रस्तुत गरेको कार्यक्रममा इमानुएल चर्चका कलाकारले गीत, नृत्य, सुसमाचारिय गीत , हल्दीबारी बाइबल चर्चका कलाकारले नृत्य, बिर्तामोड बप्तीस चर्चका कलाकारले नृत्य प्रस्तुत गरेका थिए ।
कार्यक्रममा विर्तामोड नगरपालिकाकी नगर प्रमुख पवित्रा महतारा प्रसाईं नेकपा एमाले बिर्तामोड नगर अध्यक्ष सुवास भट्टराई, बिर्तामोड उद्योग वाणिज्य संघका महासचिव अर्जुनकुमार मैनालीलगायतले शुभकामना मन्तव्य राखेका थिए ।
कार्यक्रमको सञ्चालन कार्यक्रम संयोजक नेत्र आचार्यले गरेको प्रार्थना भवन मण्डलीका डिकन केशव मैनालीले जानकारी दिए ।
