झापा । परिवर्तन सामुदायिक सिकाई केन्द्रले एकता स्पोर्टिङ क्लब द्वारा संचालित फुटबल प्रशिक्षणलाई खेलकुद सामाग्री हस्तान्तरण गरेको छ।
बिर्तामोड २ चारपाने स्थित वीर अमरसिंह माध्यमिक बिद्यालयको खेल मैदानमा ९५ जना बालबालिका लाई प्रशिक्षण गराउदै आएको क्लबका अध्यक्ष किरण पौडेलले जानकारी दिए । 
१४ बर्ष मुनिका बालबालिकालाई लक्ष्छित गरि प्रशिक्षण गराईदै आएको छ ।
केन्द्रले आज एक कार्यक्रमका बिच २० वटा फुटबल हस्तान्तरण गरिएको अध्यक्ष डिल्लीराम सिटौलाले बताए ।
कार्यक्रममा वडा नम्बर २ का वडाध्यक्ष किशोरकुमार पौडेलले बाल मैत्री वडा निर्माणमा वडा जुटिरहेको बेला केन्द्रले बालबालिका लाई लगानी गर्दै प्रोत्साहन गरेकोमा धन्यवाद ब्यक्त गरे यस्तै कार्यक्रममा वीर अमरसिंह माध्यमिक बिद्यालयका प्रधानाध्यापक यदुनाथ अधिकारी ,हेमकुमार उप्रेती र बिर्तामोड नगरपालिका शिक्षा शाखा अधिकृत केशर बहादुर खवासले बालबालिका लाई लगानी गर्दै समृद्ध समाज निर्माण गर्न आग्रह गरेका थिए ।
प्रत्येक दिन बेलुकी ४:३० बाट फुटबल प्रशिक्षण हुँदै आएको र सबैको साथ आवश्यक भएकाले संघ संस्थाले पनि सहयोग गर्न थालेको क्लबका सचिब लक्ष्मी प्रसाद घिमिरेले जानकारी दिए ।
