झापा । साङ्बेद संस्कृत माध्यमिक बिद्यालयको विवाद हल भएको छ । प्रधानाध्यापक दामोदर न्यौपानेले पदबाट राजीनामा दिए संगै पठनपाठन सुरु भएको हो ।
बिर्तामोड नगरपालिका वडा नम्बर २ मा रहेको बिद्यालयमा गत मंसिर २६ गते कक्षा १२ मा अध्ययनरत विद्यार्थी पिताम्बर पौडेल लाई प्रधानाध्यापक न्यौपानेले गित गाएको निहुँमा कुटपिट गरेका थिए । सोही विषयमा विवाद बढ्दै गएपछि २८ गतेबाट पठनपाठन स्थगित भएको थियो ।
बिद्यालय ब्यबस्थापन समितिका अध्यक्ष छन्दुराम भण्डारी जिल्ला बाहिर भएकाले निष्कर्स बिहिन हुँदा पठनपाठन प्रभावित भएको जनाईएको छ । विद्यार्थीहरुले प्रधानाध्यापक न्यौपानेको राजीनामा र दोसिलाई कारबाहीको माग गर्दै आन्दोलन गर्दै आएका थिए ।
विवाद मिलाउन हिजो ( मंगलबार ) आश्रम समिति ,बिद्यालय ब्यबस्थापन समिति ,अभिभावक विद्यार्थी र शिक्षक बिचमा छलफल भएपनी कुनै निस्कर्स निस्कन नसकेकाले आज वडा नम्बर २ का वडाध्यक्ष किशोरकुमार पौडेलको संयोजकत्वमा समन्वय समिति गठन गरि विवाद समाधान गरिएको छ ।
प्रधानाध्यापक न्यौपानेको पदबाट राजीनामा संगै छबिराज रेग्मी लाई निमित्तको जिम्मेवारी दिईएको छ वडाध्यक्ष पौडेलले जानकारी दिए ।
