२५ असोज झापा । स्वतन्त्र उम्मेद्बार बाधेले कर्मशिल युवाले चुनाव जित्न सत्ता र शक्तिको भन्दापनि जनताको मन भावना जित्ने र पार्टीले नभई ब्यक्तिले जित्ने बताएका छन् ।
झापा क्षेत्र नम्बर ४ `क´ बाट स्वतन्त्र प्रदेश सभा सदस्यको उम्मेद्बारी दिएका रमेश प्रसाद आचार्यले नेकपा एमाले परित्याग गर्दै उम्मेद्बारी घोषणा गरेका थिए ।
उनले अबको बिकास र समृद्धि युवाको हातमा भएकाले राजनीतिक दलबाट आफू अलग भएर परिवर्तनका लागि संसदीय निर्वाचन मार्फत चुनावमा होमिएको बताएका छन् ।
लामो समय एमाले निकट भातृ संगठन रास्ट्रिय युवा संघमा रहेका सामाजिक र राजनीतिक गतिविधि गर्दै आएका आचार्य युवाहरु माझ लोकप्रिय रहेको बताउछन् ।
५४ हजार १ सय १३ मतदाता रहेको सो निर्वाचन क्षेत्रमा मा निवर्तमान प्रदेश सभा सदस्य झलकबहादुर मगरसहित १० जनाले मनोनयन दर्ता गरेका छन् दर्ता हुनेहरुमा नेकपा एमालेका तर्फबाट राधाकृष्ण खनाल, संघिय लोकतान्त्रिक राष्ट्रिय मञ्चका उमानाथ दमाई, जनमत पार्टीका तर्फवाट गोन्धा ताजपुरिया, मंगोल नेशनल अर्गनाईजेसनका भरत राई, राष्ट्रिय जनमुक्ती पार्टीका तर्फवाट संगिता लिम्बु नेम्वाङ्ग, हाम्रो नेपाली पार्टी होम प्रसाद गौतम, स्वतन्त्र तर्फवाट मेहरमान बसनेत, रमेशप्रसाद आचार्य र शान्तिराम न्यौपानेको रहेका छन ।
