झापाको शिवसताक्षीमा एक पुरुषको शव फेला परेको छ ।
शिवसताक्षी – ११ स्थित सताक्षीधाम जाने सडकमा हत्या गरेको अवस्थामा बुधबार शव फेला परेको हो । मृतक सोही ठाउँका २८ वर्षीय गोमनसिंह मगर रहेको प्रहरीले जनाएको छ । मगरको घाँटीसंगै शरिरका विभिन्न भागमा घाउ चोटसहितको शव फेला परेको जिल्ला प्रहरी कार्यालय झापाका प्रहरी प्रवक्ता डिएसपी राकेश थापाले जानकारी दिनुभयो ।
मगर मंगलबार साँझदेखि घरबाट हराइरहेका थिए । खोजतालासका क्रममा बुधबार बिहान १० बजे उनको शव फेला परेको हो । प्रहरीका अनुसार, घटनास्थलदेखि १०० मिटर उत्तर दूरीमा एउटा मोटरसाइकल पनि फेला परेको जनाइएको छ ।
उनको हत्या भएको हुन सक्ने प्रहरीको अनुमान छ । घट्नाबारे प्रहरीले अनुसन्धान शुरु गरेको छ । स्थानीयबासीले मगरको हत्यामा संलग्नको पहिचान गरि पक्राउ गर्न माग गरेका छन् । उक्त घटनाको विषयमा अनुसन्धान गर्ने र त्यसपछि मात्रै घटनाको विषयमा बोल्नसक्ने डीएसपी थापाले बताए ।
