बिर्तामोड । महेन्द्ररत्न माध्यमिक विद्यालयमा रहेको अटिजम स्रोत कक्षाको उद्घाटन गरिएको छ ।

५६ औं अन्तराष्ट्रिय साक्षरता दिवसका अवसरमा विद्यालयले बिहीबार आयोजना गरेको एक कार्यक्रमका बीच बिर्तामोड नगरपालिकाकी नगर प्रमुख पवित्रा महतारा प्रसाईले रिवन काटेर अटिजम कक्षाको उद्घाटन गरेकी हुन् ।

Advertisement

उद्घघाटन कार्यक्रममा नगर उपप्रमुख नगेन्द्र प्रसाद संग्रौला, नगरपालिकाको शिक्षा शाखा प्रमुख तिलचन भण्डारी लगायतको उपस्थिति रहेको थियो ।

वडा नम्बर ३ स्थित बिर्ताबजारमा रहेको यस विद्यालयमा अटिजम भएका बालबालिकाहरुको लागि छुट्टै ब्लक निर्माण गरि विभिन्न कृयाकलाप सिकाउन सुरु गरिएको छ ।

गत असार १ गतेदेखि सन्चालनमा आएको यस अटिजम कक्षामा २५ जना बालबालिका रहेको विद्यालयका प्रधानाध्यापक खड्गप्रसाद खरेलले जानकारी दिए ।