भाद्र ६ बिर्तामोड । बिप्लब नेतृत्वको नेकपा माओवादले यहि भाद्र ७ गते ( मंगलबार ) बन्दको घोषणा गर्यो । बन्दको सूचना सामाजिक संजालमा आएको या हल्लाले पहिलो निशानामा शिक्षा क्षेत्र परेको छ ।
विशेष गरि सामुदायिक भन्दा पनि संस्थागत बिद्यालयले सोमबार नै सूचना प्रकाशन गरि विशेष कारणबस बिद्यालय बन्द रहने जानकारी गराएका छन् ।
निजि स्तरबाट संचालनमा आएका बिद्यालयले जोखिम मोल्न नसक्ने र राज्यले सुरक्षाको अनुभुति नदिलाएका कारण हल्लाकै भएरमा पनि बिद्यालय बन्द हुने गरेको संचालकहरु बताउँछन् ।
स्कुल बस , भवन र अन्य शैक्षिक सामाग्री संगै बालबालिकानै असुरक्षित हुने भएकाले पनि जोखिम पुर्ण शिक्षा क्षेत्र देखिएको छ । बिद्यालय र बालबालिका शान्ति क्षेत्र घोषणा भएपनि व्यबहारमा आउन सकेका छैन् । राजनीतिक दल या अन्य क्षेत्रले आन्दोलनका कार्यक्रम संचालन गर्दा बालबालिका नै जोखिममा पर्ने गरेको पाइन्छ ।
अभिभावक पनि बालबालिकालाई सुरक्षीत पठनपाठन गर्न गराउन सुविधाजनक बिधालयकै रपमा निजि बिद्यालय रोज्ने गरेका छन् जहाँ यातायात सुबिधा संगै अन्य भौतिक सुबिधा रहेकाले पनि कुनै घटना वा आक्रमण भए ठुलो क्षतिको सामना गर्नु पर्छ सोही कारण पनि हरेक समय शिक्षा क्षेत्र असुरक्षित बन्दै गएको पाईन्छ ।
