बिर्तामोड । झापा गाँउपालिका ३ कामाटोलिमा गोली चलेको छ। गोरु काटेको खबर पाएपछि गएको प्रहरीको टोली कामाटोलि पुगेको थियो। प्रहरीले काटिएको गोरुको टाउको र खुट्टा बरामद गरी फर्कने क्रममा स्थानीय आक्रोशित भई प्रहरीमाथि आक्रमण गरेको प्रहरीले बताएको छ।

स्थानीयको आक्रमण पछि थप मद्यतको लागि गएको सशस्त्र प्रहरी गएको थियो। सयौँको संख्यामा स्थानीयहरु टायर पुल्ठो बालि नेपाल प्रहरी र सशस्त्र प्रहरीमाथि आक्रमण गरेको अवस्थामा स्थिति नियन्त्रण बाहिर गएको बताइएको छ।

Advertisement

सशस्त्रको गोली लागि एक व्यक्ति घाईते भएको बताईएको छ। घाइतेको ढाडमा चोट लागेको र विर्तामोड स्थित वि एण्ड सी अस्पतालमा उपचारको लागि पुर्याइएको अस्पताल स्रोतले बताएको छ। घटना भएको क्षेत्र मुसलमान बस्ती रहेको भनिएको छ।