असार २५ बिर्तामोड– एमाले बिर्तामोड नगर कमिटीले स्वर्गीय ज्ञानुराम प्रसाईकाे स्मृतिमा शनिबार साँझ श्रद्धाञ्जलि सभाकाे आयाेजना सम्पन्न गरेको छ । नेकपा एमाले नगर कमिटीको विस्तारित बैठक र श्रद्धाञ्जलि सभा एकसाथ आयोजना गरेको हाे ।
तत्कालीन नगर कमिटी अध्यक्ष प्रसाईकाे २०७८ असार २५ मा सवारी दुर्घटनामा मृत्यु भएको थियो।
प्रदेश इञ्चार्ज देवराज घिमिरेकाे प्रमुख आतिथ्य र जिल्ला इञ्चार्ज अग्नि खरेलकाे विशेष आतिथ्यमा आयोजित कार्यक्रममा एमाले नेता प्रदेश कमिटी सदस्य राेमणि भट्टराईले स्वर्गीय प्रसाईकाे याेगदानबारे प्रकाश पारेका छन् ।
स्वर्गीय प्रसाईं लाई सम्झिदै उहाँले गरेको योगदान र मिहिनेत लाई सबैले सम्झिनेगरी काम गर्ने श्रीमती पवित्रा महतारा प्रसाईले बताइन् ।
नगर कमिटी अध्यक्ष सुवास भट्टराईकाे अध्यक्षतामा भएको बैठकमा पार्टीका वडाध्यक्षहरुले स्थानीय तह निर्वाचनकाे समिक्षात्मक प्रतिवेदन पेश गर्दै स्थानीय तहको निर्वाचनमा अन्तर्धात गर्ने पार्टी सदस्यलाई कारबाही गर्न माग गरेका थिए ।
पुराना कम्युनिस्ट दुई जना नेता टंक चाैधरी र रघुनाथ माझी लाई सम्मान गरिएको छ ।
नगर अध्यक्ष भट्टराईले स्थानीय तह निर्वाचनमा केही वडा र प्रतिनिधिले हार बेहोर्नु परेको कारण पार्टीले खोज्ने र आफुलाई कारबाही गर्ने कुनै अधिकार नभएकाले माथिल्लो कमिटी लाई सिफारिस गर्ने बताए ।
पावर र पहुँचका आधारमा हाेइन, पहुँच नहुने जनताको गाँउ टाेलमा विकास गर्न जनप्रतिनिधिलाई आग्रह गरे ।
बैठकमा बाेल्दै एमाले झापाका अध्यक्ष दीपक कार्कीले जिम्मेवारी आत्मसात गर्ने र दृढता पुर्वक उभिने सफल स्वर्गीय नेता भएको र नेताकार्यकर्ताले उनको अनुशरण गर्नु पर्ने उल्लेख गरे । बैठकमा केन्द्रिय सदस्य मन कुमार गौतम ,संघीय सांसद पबित्रा निरौला खरेल ,उप-मेयर नगेन्द्र संग्रौला ,पुर्व नगर प्रमुख धुर्व कुमार गौतम लगायत गरि ३ सय नेताकार्यकर्ताको उपस्तिथि रहेको थियो ।
