बिर्तामाेड– संघीय लिम्बुवान पार्टी नेपालले प्रदेश-१ को नाम ‘लिम्बुवान’ राख्न प्रदेश सरकारलाई ध्यानाकर्षण गराएको छ ।शनिबार बिर्तामोडमा पत्रकार सम्मेलन गरी उक्त पार्टीले प्रदेशको नामकरण बारे आफ्नो पुरानै अडान दोहोर्याएको हो ।
प्रदेश सरकार गठन भएको झन्डै ५ बर्ष हुँदा पनि अहिलेसम्म प्रदेश १ सरकारले आफ्नो नाम टुंगो लगाउन नसकेकाे र अब प्रदेशको नाम लिम्बुवान राख्नुपर्ने माग गरेको हो । पार्टीका अध्यक्ष सञ्जुहाङ पालुङवाले सरकारले आफूहरुसँग पटक-पटक गरेको सहमतिअनुसार प्रदेशको नाम लिम्बुवान राख्नुपर्ने बताए । अध्यक्ष पालुङ्वाले लिम्बूवानको आन्दोलनकाे भावना विपरीत प्रदेशकाे नामाङ्कन नगर्न चेतावनी दिए ।
‘लिम्बुवानी जनताको मर्म र भावनाविपरीत राखिने कुनै पनि नाम हाम्रो पार्टीलाई स्वीकार्य छैन्’ अध्यक्ष पालुङवाले लिम्बुवान जनताको मर्म बिपरित नामाकरण गरिए राज्यले महङ्गो मूल्य चुकाउनु पर्ने चेतावनी दिए । प्रदेशका सबै राजनीतिक दलहरु, नेता तथा सांसदहरूलाई लिम्बूवान आन्दोलनकाे संवेदनशीलताप्रति नजर अन्दाज नगर्न सर्वमान्य नेता बीर नेम्वाङले चेतावनी दिए । २०६४ चैत्र ६ गते सात राजनैतिक दल र संघीय लिम्बुवान राज्य परिषद बिच भएको वार्ता अनुसार कार्यान्वयन गर्न समेत माग गरिएको छ ।
