५ असार ,कनकाई । कनकाई नगरपालिका ७ दुर्गापुरमा रहेको फक्तालुङ्ग एजुकेसन फाउन्डेसनमा निर्वाचन शिक्षा कार्यक्रम सम्पन्न भएको छ । बालबालिकालाई निर्वाचन सम्बन्धि ज्ञान दिने र ब्यबहारिक शिक्षा प्रदान गर्ने उदेश्यले सो कार्यक्रम गरिएको बिद्यालयका प्रधानाध्यापक ओम बिक्रम नेङ्वाङले जानकारी दिए ।
आगामी असार ८ गते बिद्यालयमा सदन स्तरीय क्याप्टेन ,भाईस क्याप्टेन छनौट अन्तरगत मतदान हुँदै छ ।
कक्षा ३ देखि १० सम्मका ३ सय बालबालिकाले मतदान प्रक्रियामा सहभागी हुनेछन् र आफ्नो नेतृत्व आफै छान्न पाउने भएका हुन् ।
बिद्यालय ब्यबस्थापन समिति अध्यक्ष दुर्गा नेङ्वाङको अध्यक्षता रहेको कार्यक्रममा बालक्लब अध्यक्ष सुभाष पौडेलको प्रमुख आतिथ्यता रहेको थियो ।
शिक्षा बहुउद्देश्यीय सहकारी संस्थाका अध्यक्ष एवम् पत्रकार सुब्रत न्यौपाने र बालबालिका तथा शिक्षा संचार मञ्चका संयोजक सरोज पौडेलले सहजीकरण गरेको निर्वाचन शिक्षा कार्यक्रममा निर्वाचन ,मतपत्र ,मत पेटिका,नेतृत्व र प्रक्रियाका विषयमा जानकारी गराइएको थियो ।
४ वटा सदनका लागि क्याप्टेन र भाईस क्याप्टेन गरि ८ जना निर्वाचित हुनेछन् जसका लागि १७ जना उम्मेद्बारले निर्वाचनमा भाग लिएको बालक्लब अध्यक्ष पौडेलले बताए । कार्यक्रमको संचालन लक्ष्मी अधिकारीले गरेका थिए भने स्वागत प्रधानाध्यापक नेङ्वाङ्गले गरेका थिए ।
