नेपाली काँग्रेसका नवप्रवेशी एवम पुराना कार्यकताबिचको परिचयात्मक कार्यक्रम झापाको अर्जुनधारा १० कालीझोडामा आईतबार सम्पन्न भएको छ । केही समय अघि विभिन्न पार्टी परित्याग गरी काँग्रेस प्रवेश गरेका एवम पार्टीमा लामो समयदेखी योगदान पुर्याएका पुराना कार्यकर्ताबिच परिचय सँगै नयाँलाई स्वागत र पुरानालाई सम्मान समेत गरिएको हो ।
टोल न.५ ले आयोजना गरेको कार्यक्रममा झण्डै एक दर्जन नवप्रबेशीहरुलाई स्वागत गरीएको थियो भने बि.सं.२०१६ साल देखि अनवरत पार्टीप्रति आस्था राख्दै साथ र सहयोग गर्ने ६ जना सदस्यहरुलाई सम्मान गरीएको थियो । कार्यक्रमका प्रमुख अतिथी तथा काङ्ग्रेसका केन्द्रिय सदस्य केशव कुमार बुढाथोकिले सम्मानपत्र सहित खादा ओढाएर उनीहरुलाई सम्मान गर्नुभयोे ।
टोल न.५ का अध्यक्ष गोबिन्द पोख्रेलको सभापतीत्वमा सम्पन्न कार्यक्रममा कांग्रेस महाधिवेशन प्रतिनिधि मोहन लिम्बूले स्वागत मन्तव्य राख्नुभएको थियो । स्थानिय युवा खगेन्द्र सुवेदी लगायतले शुभकामना मन्तव्य राख्नुभएको कार्यक्रमको सञ्चालन वडा सचिव टीकाराम कङ्लिवाले गर्नु भएको थियो ।
