झापा जिल्ला अन्तर्गत बिर्तामोड प्रहरीले मोटरसाइकल चोरीमा संलग्नलाई पक्राउ गरी अाज सार्वजनिक गरेको छ ।प्रहरी कार्यालय अनारमनीले पत्रकार सम्मेलन गरि ११ दिनको अनुसन्धानवाट प्राप्त सफलता सार्वजनिक गरेको हो । प्रहरीले जिल्लाका विभिन्न स्थान र इलामगरि १२ वटा मोटरसाइकल बरामद गरेको जनाएकाे हाे । चारीमा संलग्न रहेकाे अाराेपमा आठजनालाई पक्राउ गरेको इलाका प्रहरी कार्यालय अनारमनीका प्रमुख रुगमबहादुर कुँवरले जानकारी दिए ।
पक्राउ परेका एकजनाबाहेक पाँचजना किशोर उमेरका छन् र दुई बालक हुन् । चोरी गरेको मोटरसाइकल अर्जुनधारा ८ कदमगाछी र वडा नम्बर १० मा रहेको ग्यारेजमा पुर्याउने गरेकाे खुल्न अाएकाे छ । मोटरसाइकल चोरी गरि नम्बर प्लेट परिवर्तन गरी उनीहरुले अतिसस्तो दरमा बिक्री गर्ने गरेकाे खुलेकाे छ। प्रहरीका अनुसार चोरी भएका अधिकांश मोटरसाइकल पहाडी क्षेत्रमा बिक्री हुँदै आएका छन् । प्रहरीको पहुँच कम हुने भएकाले पहाडी क्षेत्रमा चोरीका मोटरसाइकल बिक्री हुने गरेको प्रहरीको निष्कर्ष छ ।
प्रहरीले बरामद गरेका १२ वटा मोटरसाइकल पल्सर, हिरो होन्डा , यामाहा, अपाची, होन्डा र सुजुकी ब्रान्डका छन् ।
मोटरसाइकल चोरी गर्नेमा ग्यारेज सञ्चालक २७ वर्षीय करण मोहम्मद, बिर्तामोड ५ का १८ वर्षीय करण मण्डल, वडा नम्बर ८ का १९ वर्षीय कुमार राजवंशी, अर्जुनधारा ८ का १८ वर्षीय समिर मिया छन् ।
त्यस्तै, गौरीगञ्ज ५ का १८ वर्षीय ओमप्रकाश यादव, इलाम चुलाचुलीका १८ वर्षीय राहुल श्रेष्ठ छन् भने दुईजना १४ र १५ वर्षका बालक छन्
