१९ यात्रु र तीनजना चालक दलका सदस्य बोकेको सम्पर्कविहीन भएको तारा एयरको जहाज मुस्ताङको टीटी डाँडासम्म सम्पर्कमा रहेको बताइएको छ ।
त्यसपछि उक्त जहाज सम्पर्कविहीन भएको थियो ।
मुस्ताङका प्रमुख जिल्ला अधिकारी नेत्रप्रसाद शर्माका अनुसार अहिलेसम्म जहाजको बारेमा केही जानकारी प्राप्त भएको छैन ।
“जहाज सम्पर्कमा छैन,” उनले भने, “त्यो बाहेकको विवरण आइसकेको छैन । हामी बुझ्ने प्रयासमै छौँ ।”
जहाज खोज्न फिस्टेल एयरको हेलिकोप्टर पठाइएको छ । त्रिभुवन विमानस्थलका महाप्रबन्धक प्रेमनाथ ठाकुरका अनुसार सम्पर्कमा नरहेको जहाज खोज्नका लागि फिस्टेल एयरको हेलिकोप्टर प्रयोग गरिएको छ ।उनले तारा ९एन एईटी कल साइन भएको जहाज सम्पर्कमा नरहेको बताएका हुन् ।पोखराबाट १९ यात्रु बोकेर जोमसोम उडेको तारा एयरको जहाज आधाघण्टादेखि सम्पर्कविहीन भएको छ ।
तारा एयर स्रोतले दिएको जानकारीअनुसार जहाजमा १३ जना नेपाली, ४ जना भारतीय, २ जना जर्मनी र ३ जना चालक दलका सदस्य रहेका थिए ।
त्यस्तै ,
प्रहरी स्रोतले दिएको जानकारीअनुसार जहाज पोखरा विमानस्थलबाट ९ः५५ मा उडेको थियो भने अवतरण समय १०ः१५ मा थियो ।
१०ः१० सम्म जहाज घोडेपानी भन्ने स्थानसम्म सम्पर्कमा रहेको प्रहरी स्रोतले जानकारी दियो ।
त्यसपछि भने जहाज सम्पर्कमा छैन ।
थप विवरण केही समयपछि
