बालेनहरु!
निर्वाचनको इतिहासमा कहिले पुहातु चौधरी ,कहिले नाँनीमैँया दाहाल त कहिले बालेन्द्र शाहहरु देखा पर्छन ।
जनताको समकालीन नेता र शासन प्रणाली प्रतिको बितृष्णाको परिणम होला । ती पतित् नेता र प्रणालीको गालामा हानीएका चड्कनका प्रतिक होलान । तर जसको उपलब्धि, परिणाम र रुपान्तरण शून्य सावित भएको छ र बाँकी पनि त्योभन्दा बढी केही हुने वाला छैन । उल्लेखित अघिल्ला दुई पात्र जोकरको रुपमा उभ्याएका कमजोर, असफल र गुमनाम भई बिलिन पात्र हुन भने तेस्रो पात्र बालेन तुलनात्मक रुपमा शिक्षित, सचेत र भावि सम्भावना बोकेका नयाँ जोस जाँगर सहितका युवा हुन । “म्यान अफ द ईलेक्शन“ को दर्ज्यानि चिन्ह जबर्जस्त भिर्याईएका, उनको वास्तविकता भन्दा धेरै माथि चढाईँदै गरेका निर्दोष पात्र हुन भन्ने लागिरहेको छ।
बालेनले जितून, जित्नु पर्ने हो तर हामीले चाहेको हुने सम्भावना धेरै कम छ। म बालेनको सचिवालय सम्हाल्ने, प्रबक्ता बन्ने वा बालेनलाई मजाक उडाउने मध्य कुनै पनि लाईनमा पर्दिन ।
जुन मुलुकमा “काङ्ग्रेसको सति-उनकी बेटी“ले जसरी पनि र जुनसुकै मूल्यमा पनि जित्नु पर्ने हुन्छ, त्यो मुलुकमा बालेन कसरी, के को बलमा, के को आड भरोशामा जितून? के यहाँ “न्याय र स्वतन्त्रता“को दियो पनि बल्छ र ?
अहिले इलामको सन्दकपुरका तेइस बर्षे युवा सनम राईले बिजित नतिजा निकाल्दै गर्दा या कछुवा छापका बिद्रोही उमेदवारले बिजय हासिल गरि नेतृत्वमाथि धावा बोल्दै गर्दा अनि काठमाडौंका बत्तीस बर्षे बालेनले अबिजित अग्रता लिदै गर्दा आफुलाई बिद्रोहका सम्बाहक, अग्रगमनकारी, युवाका हिमायती,चेतनाको बिगुल फुक्ने, परिवर्तनका बाहक भनीने, क्रान्तिका पर्याय ठान्नेहरुले बालेनलाई बोक्दै गर्दा “जगन्नाथ“ लाई के ठानिरहेका ? सुनिता डंगोल चै सौताकि छोरी हुन ? उनको नाम त उच्चारण गरेको सुनीएन ।
सबै ठाँउमा बालेन र सनम खोज्नेहरुले, बिराटनगर,बिरगंज, ललितपुर,पोखरा र भरतपुरमा के खोजिरहेका ? के ललितपुरका चिरिबाबु बालेन हुन ? कि बिराटनगरका नागेश बालेन हुन ? कि बिरगंजका राजेश कुमार सिंह बालेन हुन? अनि भरतपुरको बालेन र सनम भनेकै उनकि “बेटी“ हुन? न्याय, समानता, बिद्रोह भनेको ७५२ पालिकामा बालेन र सनमको आगो फुक्नेका लागि बाँकि एक भरतपुरमा चाँहि के चिता बालीएको कि,जिब्रो थुतीएको ? कि बालेनको स्त्रलिङ्गी “उनी“ नै हुन ? त्यो बिद्रोहको आवाज कहाँ गयो नि ? बिचरा जगन्नाथ काङ्ग्रेसको एक भोट नपाई मर्ने भए । बिचरा बालेनको हालत भोलिका दिनमा के होला ?
