पर्सामा निर्वाचन अधिकृत र पत्रकारबीच सहमति भएको छ । सञ्चारमैत्री वातावरण नबनाएको र सूचनाबाट वञ्चित गरिएको भन्दै पत्रकारले पेनडाउन गरी विरोध जनाएपछि सरोकारवालाको ध्यान केन्द्रित भएको हो ।

जिल्ला प्रशासन कार्यालय पर्साका प्रमुख जिल्ला अधिकारी उमेशकुमार ढकाल, पर्साकी प्रमुख निर्वाचन अधिकृत रञ्जिता झा, वीरगञ्ज महानगरपालिकाका प्रमुख निर्वाचन अधिकृत धर्मराज पौडेललगायतले पत्रकारहरूसँग कुराकानी गरी सहज वातावरण बनाइदिने प्रतिबद्धता जनाएपछि आन्दोलन स्थगित भएको हो ।

Advertisement

प्रत्येक २–२ घण्टाको अन्तरालमा सूचना दिने सहमति भएसँगै पत्रकारहरूले कलम, डायरी, क्यामरा, माइक लगायतका सञ्चार सामग्री उठाएका छन् ।