नेकपा एमालेले हल्दिबरी गाउँपालिका वडा नम्बर ३ का विभिन्न स्थानमा स्थानीय तह निर्वाचन लक्षीत घरदैलो तथा कोणसभा सम्पन्न गरेको छ ।
गाउँपालिका अध्यक्ष उपाध्यक्षका उमेदवार सहित घरदैलोमा निस्किएको एमालेले वडा नम्बर ३ को मेजर्नी , ढडुवा र लक्ष्मी स्कुलचोक लगायतका स्थानमा र्याली, कोणसभा र घरदैलो सम्पन्न गरेको हो । एमाले बाट हल्दीवारीका लागि उपाध्यक्ष पदकी उम्मेद्बार शान्तादेवी गौतमले महिलाका विषय मात्र नभएर न्याय सम्पादन, शिक्षा स्वास्थ्य जस्ता जनतासंग प्रत्यक्ष जोडिने कुरामा संबोधन गर्न अधिकतम मात्रामा लाग्ने बताइन ।त्यस्तै वडानम्बर ३ का वडाध्यक्ष पदका उम्मेद्बार बिष्णुप्रसाद ओलीले शिक्षालाई प्रोत्साहन र जंगली हात्ती नियन्त्रण कार्यक्रम संचालन गर्ने प्रतिबद्धता जनाए ।
उक्त कार्यक्रममा उमेदवारहरुले सम्बोधनका क्रममा जनताका आवस्यकताकाे परिपूर्ती गर्दै विकासको नमूना पालिका निर्माण गर्ने बताएका छन ।
उनीहरूले हल्दिबारि स्थीत चारकोसे जङ्गललाई वैज्ञानिक ढंगले विकास गरी आन्तरिक पर्यटन क्षेत्रको विकास गर्ने प्रतिवद्धता समेत जनाएका छन ।
